کوئٹہ۔ 11 اگست (اے پی پی) صوبائی دارالحکومت کوئٹہ تون اوار مچ آصوبہ ٹی مملکت خداداد نا 73 می یوم آزادی ءِ شان و شرف اٹ اڈتننگ کن تیاریک ترند مسنو، سرجم حوال آتا رداٹ شار انا گلی، کوچہ، روڈ، سرکاری و نجی دفتر، بینک و ہوٹل و اُراتے قومی بیرک و جھنڈی تے اٹ بیرفنگ انگ ءِ، وخت اس کہ شار انا اہم کسر تیا یوم آزادی نا بابت بیج، قومی بیرک، جھنڈی و ایلو گڑاتا اسٹال ہم خلنگانے ہراڑے مچ آ دے چناو بھلاتا رش لگوک مریک و مخلوق جوش و جوزہ اٹ قومی بیرک، بیج و جھنڈی ہلنگءُ حکومتی کہول آ ہم جشن آزادی ءِ شان و شرف اٹ اڈتننگ کن تیاری تا بناءِ کننگانے جشن آزادی نا مرکزی دود 13 و 14 اگست نا نیامی نن آ مریک ہراٹی بیرک ءِ چست کننگک و آتش بازی ہم کننگک وخت اس کہ 14 اگست آزیارت اٹ قائد اعظم ریذیڈنسی ٹی ہم بیرک ءِ چست کننگ نا دود اس اڈ ہلیک، یوم آزادی نا رداٹ تعلیمی، راجی، سرکاری و غیر سرکاری تنظیم تا کنڈآن دادے انا اہمیت ءِ تالان کننگ و تحریک پاکستان نا راہشون و شہید آتے خراج عقیدت پیش کننگ کن پروگرام تے حتمی دروشم اس تننگانے۔
