اسلام آباد۔ 11 اگست (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ اسہ مہذب اس ہم سیاسی سسٹم اٹ دروغ و جعل سازی ٹی اوار شخصیت ءِ ہیرو کرسا پیش کننگپک۔ سے شنبے نادے آ تینا ٹویٹ اٹی مسلم لیگ (ن) نا راہشون مریم نواز شریف نا حق اٹ نعرہ خلسا منہ زالبول آتا ویڈیو ءِ شیئر کرینے۔ ویڈیو ٹی دازالبول آک ’’تیری آواز، میر آواز ۔۔مریم نواز، مریم نواز نا نعرہ ءِ خلنگ ءُ۔ ڈاکٹر شہباز گل سوج کرے کہ انت اسہ مہذب اس سیاسی نظام اٹ ’’کنا لندن تو انت پاکستان اٹی ہچ ءُ پراپرٹی اس اف‘‘ نا بیان تروک آ و قطری چھٹی و کیلبری کوئین نا پن اٹ درستی راستی تخوک آ شخصیت ءِ داوڑاٹ ہیرو کرسا پیش کننگ مریک۔ ڈاکٹر شہباز گل پارے کہ ننا راج اٹ راست و دروغ نا ہچ ءُ پرخ اس سلتنے۔
