انت مگے پین ملک اسے ٹی داوڑمننگ کیک کہ پیسہ غاتے پلسا پیشن ہنبو و ہچ ءُ پرخ اس تمپ، بنجائی وزیر فواد حسین نا ٹویٹ

اسلام آباد۔ 11 اگست (اے پی پی) بنجائی وزیر سائنس اینڈ ٹیکنالوجی چوہدری فواد حسین پارینے کہ انت مگے پین ملک اسے ٹی داوڑ مننگ کیک کہ پیسہ غاتے پلسا پیشن ہنبو و ہچ ءُ پرخ اس تمپ ولے اینو مریم نواز انقلابی شاعری اس بنفسا نظر بریک۔ سے شنبے نادے آ تینا ٹویٹ اٹی چوہدری فواد حسین پارے کہ نواز شریف و مریم نواز نا برخلاف مقدمہ غاک اسُل پیدوار ءُ ولے ننا نظام انصاف اٹ داوڑ نا پیدوار ڈوک ہم کچٹی نا گواچی مننگ ءُ، فواد چوہدری سوج کرے کہ انت مگے پین ملک اسے ٹی داوڑ مننگ کیک کہ داخہ پیسہ پلبو ہنبو و ہچ ءُ پرخ اس تمپ۔