ضلع دیر بالا ٹی اولیکو احساس نشوونما ہندءِ جوڑ کننگانے
اسلام آباد۔ 11 اگست (اے پی پی) وزیراعظم نا خصوصی کمکار ڈاکٹر ثانیہ نشتر پارینے کہ ضلع دیر بالا ٹی اولیکو احساس نشوونما ہند ءِ جوڑ کننگانے۔ لمہ و پوسکن ودی مروک آ چناتے سٹنٹنگ آن بچفنگ کن دیر بالا ٹی پگہ 6 نشوونما ہند آتے ملنگک وخت اس کہ مچ آ ملک انا 9 ضلع غاتیٹی جم وڑاٹ 32 ہند جوڑ کننگ انگ ءِ۔ وزیراعظم زوت داپروگرام نا باقاعدہ بناءِ کیک۔ ہر احساس نشوونما ہند آ احساس نا صارف زالبول و اوفتا چناتے بھاز انگا آسراتی تے فراوان کننگک۔ چیدہ آسراتی تیٹی صارف آتا اندراج، طبی معائنہ، آگاہی نشست، جان جوڑ غذا و مندرج صارف آتا جان جوڑی و نشوونما ناخیالداری پین پین اوار ءُ۔ صارف آتے نغد نشوونما وظیفہ نا آسراتی فراوان کننگ کن ہرنشوونما ہند آ اے ٹی ایم مشین ہم خلنگ انگ ءِ۔
