اسلام آباد۔ 11 اگست (اے پی پی) بنجائی وزیر حوالکاری و شینکاری سینیٹر شبلی فراز پارینے کہ اقلیت آتا قومی دے پاکستان نا تاریخ اٹ بے کچ اہمیت تخک، لمہ وطن نا شونداری و شونہالی ٹی اقلیتی برادری اہم کڑد ادا کننگ ءُ۔ سے شنبے نادے آ اقلیت آتا قومی دے انا وخت آ تینا ٹویٹ اٹی اوپارے کہ اقلیت آتا قومی دے پاکستان نا تاریخ اٹ بے کچ اہمیت تخک۔ بنجائی وزیر پارے کہ اقلیت آتا راجی آسراتی آن بیدس ریاست مدینہ نا تغ نیم گڈلو مریک۔ اوپارے کہ وزیراعظم عمران خان نا کماشی ٹی حکومت دا تغ ءِ عملی دروشم اس تننگ کن کوشست کننگ ءِ۔
