اسلام آباد۔ 10اگست (اے پی پی) نیشنل کمانڈ اینڈ آپریشن سینٹر (این سی او سی) پوسکن آ کرونا کیس آتا سرجم آتے جاری کرینے۔ دوشنبے نادے آ این سی او سی نا کنڈآن جاری سرجم آتا رداٹ تدوک آ بیست ءُ چار گھنٹہ ٹی کورونا نا 539 ناجوڑ آتا ٹیسٹ مثبت بس وخت اس کہ تدوک آ بیست ءُ چار گھنٹہ ٹی 15 بندغ زوال کریر ہرافتیان 14 بندغ ہسپتال آتیٹی زوال کریر وخت اس کہ 1 بندغ اس اُراٹی قرنطینہ ٹی زوال کرے۔ تدوک آ بیست ءُ چار گھنٹہ ٹی 20 ہزار 495 کورونا نا ٹیسٹ کننگا ہرافتیان سندھ اٹی 8 ہزار 288، پنجاب اٹی 7 ہزار 711 خیبرپختونخوا ٹی 1 ہزار 659، اسلام آباد اٹی 2 ہزار 140، بلوچستان اٹی 402، گلگت بلتستان اٹی 80، آزاد کشمیر اٹی 215 ٹیسٹ کننگا، داتم اسکان مچ آ ملک اٹی کورونا غان دراخ جوڑ مروک آتا کچ 2 لکھ 60 ہزار 764مسنے۔ آزاد کشمیر گلگت بلتستان و بلوچستان اٹی کورونا نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کورونا کن جتا کروک 1 ہزار 859 وینٹی لیٹر آتیا 149 کورونا نا ناجوڑ ءُ۔ داوخت آ مچ آ ملک اٹی کورونا نا ایکٹو کیس آتا کچ 17 ہزار 799ءِ۔ داتم اسکان مچ آ ملک اٹی کورونا نا ناجوڑ آتا کچ 2 لکھ 84 ہزار 660 ءِ ہرافتیان آزاد کشمیر اٹی 2 ہزار 141، بلوچستان اٹی 11 ہزار 906، گلگت بلتستان اٹی 2 ہزار 334، اسلام آباد اٹی 15 ہزار 261، خیبر پختونخواٹی 34 ہزار 692، پنجاب اٹی 94 ہزار 477 و سندھ اٹی 1 لکھ 23 ہزار 849 ناجوڑ ءُ۔ مچ آ ملک اٹی کورونا غان زوال کروک آتا کچ 6 ہزار 97 ءِ ہرافتیان سندھ اٹی 2 ہزار 272وخت اس کہ تدوک آ بیست ءُ چار گھنٹہ ٹی 9 بندغ ہسپتال اٹی زوال کریر وخت اس کہ 1 ناجوڑ اس اُراٹی قرنطینہ ٹی کورونا نا سوب آن زوال کرے۔
