بزگ ءُ کودکیں بنی آدم ، چاگرد ءُ پاکستان ءِ واستہ آئی ءِ گران بھائیں ازمت راجدپتر ءِ بھر انت ایشاناں مدام یات کنگ بیت
اسلام آباد ۔ 10 اگست (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ بنی آدم دوسست ڈاکٹر روتھ فائو ءِ سالروچ ءِ درگت ءَ آئی ءَ را توسیپ ءُ ستا پیش کنان ءَ گوشت کہ آ ئی ءِ ازمت بے مٹ ءُ بے درور انت، آئی ازمت نمیران ءُ مدام یات کنگ بنت۔ دو شمبے ءَ چاگردی تنج ٹوئیٹر ءِ سر ءَ وتی کلوہ ءِ تہ ءَ آئی ءَ گوشت کہ ڈاکٹر روتھ فائو ءِ سالروچ ءِ درگت ءَ من آرا توسیپ ءُ ستا پیش کناں۔ سینیٹر شبلی فراز ءَ گوشت کہ بزگ ءُ کودکیں بنی آدم، چاگردی ءُ پاکستان ءِ واستہ آئی ءِ بے مٹیں ازمت آناں مدام یات کنگ بیت۔ وزیر ءِ اھوالکاری ءُ شنگ کاری ءَ گوشت کہ آئی ءَ اے بزگیں ءُ کودکیں مردم آنا دوا ءُ درمان کت ھما کہ چاگردی ءَ ڈلگچار کتگ بوتگ انت۔
