5 اگست 2019 ءَ بھاتی گیر کانودی مقبوضہ جموں کشمیر ءَ بنیاتی ءُ بنی آدمی ھک آنی لگت مالی، دمگ ءِ ڈیموگرانک سٹرکچر ءَ را مٹ کنگ ءِ کوشست ءِ بابت ءَ سرپد کت
اسلام آباد ۔ 10 اگست (اے پی پی) مزن وزیر عمران خان ءَ گوں اقوام متحدہ ءِ جنرل اسمبلی ءِ 75 ھپتاد ءُ پنچمی نوک گچین بوتگیں صدر وولکن بوذکر ءَ دو شمبے ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ وولکن بوذکر ءَ را اقوام متحدہ ءِ 75 ھپتاد ءُ پنچمی دیوان ءَ صدر گچین بوھگ ءِ پد ءَ مبارک بات دات۔ گند ءُ نند ءَ مزن وزیر ءَ آئی ءَ را بھارتی گیر کانودی مقبوضہ جموں کشمیر ءِ ھرابیں جاور ھال آنی بابت ءَ سرپد کت ءُ گوشت کہ اے کشاں چیل ھپتاد سال آں چہ اقوام متحدہ ءِ سلامتی کونسل ءِ ایجنڈا ءِ سر ءَ انت۔ مزن وزیر ءَ 5 اگست 2019 ءَ چہ بھارتی گیر کانودی مقبوضہ جموں کشمیر ءَ بنیاتی ءُ بنی آدمی ھک آناں مزنیں کساس ءَ کتگیں ھلاپ کنگ ءُ مقبوضہ جموں کشمیر ءِ الس آنی جاور ھال ءُ بھارت ءِ نیمگ ئَ دمگ ءِ ڈیموگرانک سٹرکچر ءَ را مٹ ءُ بدل کنگ ءِ کوشست ءِ بابتت ئَ ھم سرپد کت۔ آئی ءَ زور پر دات کہ اقوام متحدہ اے ھرابیں جاور ھال ءُ اقوام متحدہ ءِ سلامتی کونسل ءِ منوگری آنی رد ءَ کشمیری الس آناں آوانی وت واجئی ھک ءِ دیگ ءِ واستہ وتی کرد ءَ پیلو بکن انت۔ مزن وزیر ءَ کوویڈ-19 ءِ ھوپ ءِ معاشی ءُ چاگردی رند پد آں گوں گر ءُ چیل بوھگ ءِ واستہ وتی حکومت آنی نیمگ ءَ کتگیں گامگیج، ایشی ءِ مول ءُ مراد الس ءِ زندمان ءَ را رکھینگ ءِ گوما ایشاناں ھمروچگیں زندمان ءِ ضلورت آنی پجاری ءُ معیشت ءِ چکر ءَ را چلائینگ ئِ بابت ءَ ھم سرپد کت۔ آئی ءَ گوشت کہ آئی ءِ حکومت ءَ چاگرد ءِ بزگریں مردم آنی واستہ 8 ارب ڈالر ءِ کمکی پیکج دات۔ اے پاکستان ءِ راجدپتر ءَ کجام ھم حکومت ءِ نیمگ ءَ داتگیں درستاں چہ مستریں چاگردی رکھینگی پیکج بوتگ۔ مزن وزیر ءَ وام آنی معافی ءِ ھوالگ ءَ میاں اوستمانی تک ءَ گامگیج آنی رچ ءَ وتی کوشست آنی بابت ءَ آئی ءَ را گوشت ءُ کورونا وائرس ءِ ھوپ ءِ چاگردی ءُ معاشی رند پد آناں کم کنگ ءِ واستہ دیمروئی کنوکیں ملک آناں گیش مالیاتی کمک پجاری کنگ ءِ ضلورت ءِ سر ءَ زور پر دات۔ مزن وزیر عمران خان ءَ اقوام متحدہ ءِ جنرل اسمبلی ءِ نوک گچین بوتگیں صدر ءَ را ایٹماسپئیر ءِ مٹ ءُ بدلی، اسلام فوبیا ءُ دیمروئی کنوکیں ملک آنی دولت ءِ گیر کانودی رنگ ءَ یک جاھے تا دگہ جاھ ءِ روان دیگ ءِ ارزشت ءِ بابت ءَ تران کت۔ مزن وزیرر ءَ اے امیت سہرا کت کہ اقوام متحدہ ءِ جنرل اسمبلی ءِ 75 ھپتاد ءُ پنچمی دیوان ءَ اے جیڈھ آناں ارزشت دیگ بیت چیا کہ دگنیا ءِ اربانی بنی آدم آنی آیوکیں باندات ایشی ءَ گوں بندوک انت۔
