اسلام آباد ۔ 9 اگست (اے پی پی) پاکستان تحریک انصاف ءِ حکومت ءَ گوستیں دو سال ءِ تہ چین پاکستان اقتصادی راہداری منصوبگ ءَ را اولی دلگوشی داتگ۔پاک چین اقتصادی راہداری ارباں ڈالر ءِ یک میگا منصوبگ انت ایشی ءَ چہ دوئیں ملکانی سیادی ءَ را نوکیں برزی رسیت۔چین پاکستان اقتصادی راہداری چہ ملک ءِ دراھیں صوبگ بروبر نپ چست کن انت وھدیکہ بلوچستان, خیبر پختونخواہ ءُ پیسریکگیں فاٹا ءَ را ھاسیں نپ رسیت۔اے ھاسیں منصوبگی ءِ سرجمی ءَ چہ پاکستانی معیشت ءِ تقدیر بدل بیت۔پاک چین اقتصادی راہداری ءِ ردا ھاسیں منصوبگانی تہ گوادر پورٹ اپ گریڈیشن ،گوادر پورٹ ایکسپریس وے ءِ جوڈ ،گوادر انٹرنیشنل ائیر پورٹ ءُ کراچی سکھر موٹروے ءِ جوڈ کنگ ھوار انت۔ایشی ءِ سرجمی ءَ چہ ملک ءِ اقتصادی ءُ معاشی دیروئی ءُ وشھالی ءِ ٹارگٹ زورگ ءِ تہ کمک رسیت ءُ پاکستان بین الاقوامی بیئپاری کارانی بنجل جوڈ بہ بیت۔ پاک چین اقتصادی راہداری (سی پیک) ءِ فیز ٹو ءِ تہ سیل ءُ سوادی، انفارمیشن ٹیکنالوجی ءُ ایگری کلچر ءَ را سی پیک ءِ تہ ھوار کنگ بوتگ۔ حکومت ارزاں توان جوڈ کنگ ءِ نیمگا روگ انت۔مزنیں ڈیمز نہ ایوکا زراعت ءِ ھاترا نپ دنت بلکہ ہائیڈرل پاور جنریشن ءِ پراھی ءِ تہ ھم کمکار پدر بہ بنت۔دومی نیمگا چین ءِ مزنیں کمپنی کارپوریٹ فارمنگ ءِ تہ دلچسپی زورگ انت۔ سی پیک اتھارٹی ءِ ہڈ دیگ ءِ مکسد ھم ون ونڈو آپریشن ءِ ردا یک جاگہ ءِ تہ دراھین وزارت ،صوبگ ءُ ادارگہاں گوں ھواری ءَ سی پیک منصوبگ ءَ را گہتر منصوبگ ءَ را گہتر وڈ ءَ دیما برگ انت۔اے ھوالہ چہ مزن وزیر عمران خان ءِ پنت ءُ شون انت کہ اے وھد ءَ چین اکنامک سپر پاور انت ءُ مارا ایشی ءِ تجربگ ءَ چہ نپ چست کنگی انت۔اے ھاترا مہ لوٹگ اوں کہ سی پیک ءِ کجام پروجیکٹ ءِ سرا کار اوشتگ مہ بیت، مزن وزیراے منصوبگانی وت مانیٹرنگ ھم کنگ انت۔ کورونا وائرس ءِ ابید سی پیک ءِ دراھیں پروجیکٹس سرا کار چکاریں وڈ ءَ جاڑی انت۔سی پیک انرجی ءِ 17 چہ 9 منصوبگ سرجم بوتگ انت وھدیکہ 8 منصوبگانی سرا کار گوں ترندی ءَ برجاہ انت، 4 ارب ڈالر ءِ سرمایہ کاری ءِ پروجیکٹ ءِ سرا دست چنگل ھم بوتگ انت۔ ڈی آئی خان موٹروے سرا کار ھم برجاہ انت ایشی ءَ را ژوب تا برگ بیتایشی ءِ ابید ہوشاب چہ آواران ءِ شاھدگ ءِ سرا کار برجاہ انت۔ 9 چہ 3 اسیپشل اکنامک زونز بنداتی دلگوشی ءَ ھوار انت۔
