اسلام آباد ۔ 09اگست (اے پی پی) گرانیں وھد ءِ تہ تہی ءُ میاں اوستمانی جاورانی ابید گوستگیں دوسالانی تہ ملکی معیشت ءِ لہتیں تک ءَ گیشتری ءُ گہبودی ،کرنٹ اکاونٹ تاوان 20 ارب ڈالر چہ کم بوان ءَ ایوکا2.9 ارب ڈالر بوتگ، ڈن ملک ءَ نشتیں پاکستانیانی نیمگا چہ ترسیلات زر ءِ تہ ھم پدریں گہتری اتکگ ءُ ترسیلات زر ءِ تہ 3.2ارب ڈالر ءِ ودکی بوتگ کورونا ءِ سبب ءَ چہ آماچ بوتگیں معاشی کار ءِ بحالی ءِ پازیٹو گمان انت ءُ معاشی اعشاریے گہتری ءِ نیمگا روگ انت۔ وزارت ھزانگ ءِ وسیلگ ءِ ردا پاکستان تحریک انصاف ءِ حکومت ءَ وھدیکہ دوسال پیسر ءَ کار ءِ بنداتی کتگ تو ملک ءِ تہ معاشی جاور نگیگ ات۔ مسلم لیگ ن ءِ حکومت ءِ پنچ سالانی تہ عملی وڈ ءَ ایکسپورٹ ءِ تہ ہچ ودکی مہ بوتگ ات،ایکسپورٹ ءِ شوبگ جمود ءِ شکار ات۔ حکومت ءِ کر ءَ زرمبادلہ ءِ مڈی 9ارب ڈالر بچ اتکگ ات ءُ ڈنی پے منٹ ءِ تہ جیڈھانی دیمپانی ات۔ حکومتءِ ھاترا حاکمی ھلائینگ گران بوتگ ات۔پاکستان سرا وامانی بار 30000ارب کلدار ءِ تاں سر بوتگ ات۔اے گرانیں جاورھال ءِ تہ حکومت ءَ مالیاتی نظٰم ءُ ضبت برجاہ ایر کنان ءَ میاں اوستمانی مالیاتی فنڈز ءَ چہ کمک زوران ءَ لہتیں گرانیں پیسلہ کتگ انت۔پاکستان تحریک انصاف ءِ حکومت ءَ کرنٹ اکاونٹ تاوان ءَ را کم کنگ ءِ ھاترا عملی گامگیج زوراتگ انت،سٹیٹ بینک ءُ دگہ سرکاری کچ ءُ کساس ءِ ردا گوستگیں مالی سال ءِ تہ کرنٹ اکاونٹ ءِ تاوان ءِ تہ کمی ءِ رد برجاہ بوتگ،اے درگت ءَ کورونا ءِ نادراہی ءِ سبب ءَ امپورٹ ءُ ایکسپورٹ ءِ تہ کمی چارگ بوتگ بلے مالی سال 2019-20 ءِ درگت ءَ کرنٹ اکاونٹ تاوان ءِ تہ مچ ءِ وڈ ءَ 77.9 فیصد کمی ریکارڈکنگ بوتگ۔ حکومت ءَ گوستگیں دو سالانی تہ ایکپسورٹ ءِ تہ ودکی ھاترایکشل کوشستاں ءُ گامانی رد برجاہ داشتگ۔
