اسلام آباد ۔ 8 اگست (اے پی پی) مزن وزیر ءِ ھاسیں کمکار برائے یوتھ افیئرزعثمان ڈار ءَ پاکستان تحریک انصاف ءِ بنجاہی سیکرٹریٹ ءِ تہ چیف آرگنائیزر تحریک انصاف سیف اللہ خان نیازی ءِ گوما ھاسیں گند ءُ نند کتگ۔گند ءُ نندءِ تہ9 اگست ءَ ٹائیگر فورس ءِ روچ گوازینگ ءُ سرجمیں ملک ءِ تہ ٹری پلانٹیشن ءِ تیاری ءِ ھوالہ چہ سرجمیں گپ ءُ تران کنگ بوتگ۔ مزن وزیر ءِ ھاسیں کمکار برائے یوتھ افیئرز عثمان ڈار ءَ گوشت کہ مزن وزیر ءِ کڈنی ءِ روثنی ءِ تہ 9 اگست ءِ ھوالہ چہ تیاری ءَ را گڈی بھر ءَ پترتگ انت۔ مزن وزیر ءِ کال سرا لبیک گوشان ءَ لکھاں ورناہاں والنٹیر لی میدان ءَ ساڑی انت۔ٹائیگرز فورس ءِ والنٹیرز یک شمبے ءَ راج دپتری ٹری پلانٹیشن کن انت، ورناہ راج ءِ راستیں سرمایہ ءُ روژن ءِ باندات ءِ نوید انت۔چیف آ رگنائز پاکستان تحریک انصاف سیف اللہ خان نیازی ءَ گوشت کہ ورناہانی فلاح ءُ چاگردی ءِ رکھگ پاکستان تحریک انصاف ءِ بنیادی ایجنڈہ انت۔تحریک انصاف وانگی ءَ چہ بگر داں روزگار ءِ پھجارگ ءِ ہمک بھر ءَ وتی ورناہاں گوں ھوار بیت۔آہاں گوشت کہ وتی ورناہانی فلاح ءُ دیمروئی ءِ ھاترا گیش ھاٹیگ ھرچ کن انت۔(ن۔ا۔ج)
