اسلام آباد۔ 07 اگست (اے پی پی) بنجائی وزیر ریلوائی شیخ رشید احمد تون پاکستان اٹ چین نا سفیر یاؤجنگ اوڑدہی کرے و سی پیک فریم ورک انا رداٹ پاکستان نا تاریخ ساز ریل ڈٹ ایم ایل ون نا منظور مننگ آ مبارکبادی تس۔ داوخت آ وزیر ریلوائی شیخ رشید احمد پارے کہ ایم ایل ون ڈٹ پاکستان اٹ پوسکن آ ریلوائی نا کنڈآ اولیکو گام ءِ۔ پاکستان ءِ زرگزرانی شون ایتک۔ ایم ایل ون ڈٹ ساڑی حکومت نا فلیگ شپ پروگرام ءِ۔ پاکستانی تاریخ نا غٹ آن بھلا شونداری پروگرام ءِ۔ ایم ون آ 6.8 ارب امریکی ڈالر خڑچ بریک۔ کراچی آن پشاور 1872 کلومیٹر ترند رفتار پوسکن آ ٹریک جوڑ مریک۔ ڈٹ آن یک و نیم لکھ بندغ ءِ بالواسطہ و بلاواسطہ روزگار نا وارخواہی فراوان مریک۔ چینی سفیر پارے کہ ایم ایل ون ریل ڈٹ پاکستان و چین نا نیام اٹ تعلقداری تے پین سوگو کیک۔ ایم ایل ون ڈٹ پاکستان الس کن اسہ عظیم ءُ ڈٹ اسے۔ پاکستان اٹ سفری انقلاب اس اتیک۔ چینی سفیر کورونا نا دین انا زوت مون ءِ توننگ آ حکومت پاکستان و ڈاکٹر و پیرامیڈیکل اسٹاف نا ستاءِ کرے ۔ داوخت آ چیئرمین ریلوائی حبیب الرحمان گیلانی ہم ساڑی ئسک۔
