اسلام آباد ۔ 7 اگست (اے پی پی) ملک مستر ڈاکٹر عارف علوی ءَ گشتگ کہ درائیں بنجاہی ءُ صوبائی حکومت ٹاسک فورس ءِ فیصلہ آں فاسٹ ٹریک ءِ بنیات ءَ بہ کن اَنت تنکہ آباتی ءَ را گیش بوہگءَ چہ دارگ بہ بیت، مزن وزیر ءَ را آباتی ءِ گِرءُ دار کنگ ءِ ھاترءَ فنڈ آں گیش کنگ ءِ گُشاں، مات ءُ چُک ءِ جان ءُ سلامتی ءِ ہوالگءَ سرحال وانگ ءُ زانگی نصاب ءَ ہوار کنگ بہ بیت۔ اےھیالانی درشانی آئی ءَجمعہ ءِ روچءَ آباتی پڑءِ فیڈرل ٹاسک فورس ءِ سیمی دیوانءِسروکی کنانءَ کتگ۔ دیوانءَ ملک ءَ آباتی ءَ را گیشی ءَ چہ دارگ ءِ حکمت عملی ءِ ھاترءَ بازیں سرءُ سوجانی سرءَ ھیالءُ لیکہ ءِ درشانی کنگ بوتگ۔ شونست ءَ حال دیئگ بوتگ کہ مردماناں آباتی ءِ تینزی ءَ گوں گیش بوہگ ءِ ہوالگ ءَ سرپد کنگ ءِ ھاترءَ میڈیا ءُ عالم آنی کمک زورگ ءِ سرءَ تپاک کنگ بوتگ۔ دیوانءَ حاندانی منصوبہ بندی ءِ ہوالگءَ مراگشانی ھاترءَ فنڈ گیش کنگ ءِ ہم سفارش کنگ بوتگ۔ اے موہ ءَ ملک مستر ڈاکٹر عارف علوی ءَ گشتگ کہ اے ہوالگءَ مزن وزیرءَ چہ فنڈآں گیش کنگ ءِ ہوالگءَ دزبندی کناں، ماتءُ چُک ءِ جانءُ سلامتی ءِ ہوالگءَ سرحال وانگءُ زانگی نصاب ءَ ہوار کنگ بہ بنت۔ دیوانءَ مذہبی کارانی پڑ ءِ بنجاہی وزیر پیر نورالحق قادری، بیپاری، ٹیکسٹائل ءُ زرکاری ءِ وزیر عبدالرزاق داؤد، ، چیئرپرسن/بینظیر انکم سپورٹ پروگرام (بی آئی ایس پی) ڈاکٹر ثانیہ نشتر، نیشنل ہیلتھ سروسز، ریگولیشنزءُ کوآرڈینیشن ءِ ھاترءَ ایس اے پی اے ڈاکٹر فیصل سلطان، سندھ ءِسروزیر سیّد مراد علی شاہ، بلوچستان ءِ سروزیر جام کمال خان، نگران سی ایم جی بی میر افضل ، اسلامی نظریاتی کونسل ءِ چیئرمین پروفیسر ڈاکٹر قبلہ ایاز، چیف سیکرٹری سندھ ممتاز علی شاہ، چیف سیکرٹری کے پی پی ڈاکٹر کاظم نیاز، چیف سیکرٹری بلوچستان کیپٹن (ر) فاضل اصغر، کنٹری ڈائریکٹر پاپولیشن کونسل اسلام آباد ڈاکٹر زیبا ستار، نمائندہ یو این پاپولیشن فنڈ (یو این ایف پی اے) لینا موسہ ہوار بوتگ اَنت۔
