اسلام آباد ۔ 6 اگست (اے پی پی) مزن وزیر ءِ ھاسیں کمکار برائے ورنا آنی کار عثمان ڈار ءَ بنجاھی وزیر برائے اھوالکاری ءُ شنگ کاری شبلی فراز ءَ گوں گند ءُ نند کت۔ گند ءُ نند ءِ ساھت ءَ 9 اگست ءَ ٹائیگر ڈے ءِ رد ءَ برجم دارگ ءِ ھوالگ ءَ سرجمیں گپ ءُ تران کنگ بوت۔ مزن وزیر یوتھ پروگرام ءِ نیمگ ءَ جاڑی بوتگیں بیان ءِ رد ءَ بنجاھی وزیر برائے اھوالکاری ءُ ءُ شنگ کاری سینیٹر شبلی فراز ءَ گوشت کہ ٹائیگر فورس ءِ والنٹری جوزگ لائک ءِ ستا انت۔ ھوپ ءِ ساھت ءَ بگیر زرّ ءُ پگار ءَ چہ وتی ازمت آں والنٹری پیلو کنگ ءَ سلام پیش کناں۔ آئی ئَ گوشت کہ ٹائیگر فورس ءَ یک رند ءِ پد ءَ جوانیں پکوئیں رنگ ءَ سہرا کتگ کہ مزن وزیر عمران خان ءِ وژن سیت ایگ ءُ بے درور انت۔ مزن وزیر ئِ ھاسیں کمکار عثمان ڈر ءَ گوشت کہ ٹائیگر فورس ءِ والنٹری کار کنوک آں کورونا ھوپ ءِ ساھت ءَ بنی آدمی دوستی ءِ جوزگ ءِ گوما بے دروریں کرد پیلو کتگ۔ مزن وزیر عمران خان ءَ پنت ءُ شون کت کہ 9 اگست ءِ روچ ءَ ٹائیگر فورس ءِ والنٹری کار کنوک آناں توسیپ ءُ ستا پیش کنگ لوٹاں۔ آئی ءَ گوشت کہ 9 اگست ءَ پاکستانی تاریخ ءَ درستاں چہ گیش پُل کشگ ءَ اے ازمت آناں ساڑھگ بیت۔
