اسلام آباد ۔ 6 اگست (اے پی پی) مزن وزیر عمران خان ءِ سروکی ءَ یکجائی مفادات کونسل ءِ 42 می دیوان پنچ شمبے ءِروچءَ اسلام آباد ءَ بوتگ۔ دیوان ءَ سندھ حکومت ءِنیمگءَچہ آئل اینڈ گیس ریگولیٹری آرڈیننس 2002 ءَ سوج کتگیں ترمیم آنی چارءُ تپاسی کنگ بوتگ۔ یکجائی پائدگی کونسل ءَ پیٹرولیم وزارت ءَ را زمہ واری داتگ کہ صوبہ آں ریگولیٹری باڈی ءِ ہوالگءَ وتی ان پُٹ ءَ دیئگ ءِ ھاترءَ جوانیں میکنزم ءِ امکان آنی چارءُ تپاسی کنگ بہ بیت۔ دیوان ءَ حکومت پنجاپ ءِ نیمگءَ چہ جشمہ رائٹ بینک کینال زیریں بھر ءِ کنٹرول وزارت آپی آسراتی ءَچہ پنجاپ حکومت ءِ ہوالگ کنگءِدزبندی ءِ تپاسی کنگ بوتگ۔ اے کونسل ءَ اے سوج ءَچہ تپاک کتگءُ اے ہوالگءَ چہ ارسا، حکومت پنجاپ ءُ خیبرپختونخوا ءِ نمائدگانی یک کمیٹی جوڑکتگ کہ اے ہوالگءَ دو صوبہ آنی نیامءَ دونیمگی من ءُ گرءَ را گڑی دروشم دہیئگ بوتگ۔ دیوانءَ کوویڈ19 ءَ را گِرءُدار کنگ ءِ ھاترءَ چست کتگیں حکومتی گامگیج ہم دیوان ءَ پیش کنگ بوتگ اَنت کہ کونسل ءَ اےساڑاتگ اَنت۔ ونڈ فال لیوی ءَ را بھرکنگ ءِ جیڑہ ءِ سرءَ دیوانءَ فیصلہ کنگ بوتگ کہ پٹرولیم پالیسی 2012 ءِ ردءَ خام تیل، کنڈینس ءُ قدرتی گیس ءِ سرءَ ونڈ فال لیوی ءِ مدءَ پائدگانی 50 درسد ہمگرنچیں صوبہ آں دیئگ بنت۔ دیوان ءَ سال 2017-18, 2018-19 ءُ 2019۔20 ءِ سالانہ رپورٹ سینیٹ ءُ راجی اسمبلی ءَ پیش کنگ ءِ منظوری داتگ۔ دیوان ءَ یکجائی پائدگی کونسل ءِ 41 می دیوان ءِ فیصلہ آنی سرءَ عملدرآمد ءِ جاورھال ءِ تپاسی ہم کنگ بوتگ۔ 1991 ءِ آپ ءِ منءُ گِرءِ ہوالگءَ اٹارنی جنرل آف پاکستان ءِ سفارشات ءِ تپاسی ءِ وہدءَ یکجائی پائدگی کونسل ءَ را حال دیگ بوتگ کہ بنجاہ ءُ صوبائی حکومت آنی ٹیکنیکل زانت کارانی یک کمیٹی جوڑ کنگ بوتگ کہ آپ بھرءُ بانگ ءِ جیڑہ ءَ گیش ءُ گیوار کنت۔ کونسل ءَ گوں تپاکیءَ توانائی پالیسی 2019 ءِ منظوری داتگ۔ دیوان ءَ را حال دیئگ بوتگ کہ ملک زمستان ءَ تاں 2020-2021 ءَ گیس ءِ کمی ءِ آماچ بیت۔ ہندی گیس ءِ بچت ءُ پرائس میکنزم جوڑ کنگ ءِہوالگءَ راجی ہم تپاکی ءِ ضلورت بیت۔ دیوان ءَ را حال دیئگ بوتگ کہ بنجاہی حکومت اے ہوالگءَ صنعتی زانت کارانی یک سمٹ ءِ بندوبستءَ کنگ ءَ اِنت کہ ایشی ءِتہءَ صوبہ آں شریدار کنگ ءِ دعوت دیئگ بیت۔
