اسلام آباد ۔ 6 اگست (اے پی پی)ملک مستر ڈاکٹر عارف علوی ءَگشتگ کہ ملکءَ سمارٹ لاک ڈاؤن ءِ سبب ءَ کورونا ءَ را گرءُدار کنگءَ کمک رسیتگ۔ پاکستانی اُلسءَ کورونا ءَ چہ رکگ ءِ ھاترءَ رھبندانی سرءَ عمل کتگ، پاکستان دھان برآمد کنوکیں مزنیں ملکے جوڑبوتگ، مصنوعات ءِ ویلیو ایڈیشن ءِوسیلگءَ برآمدات آں گیشی کنگ بوت کنت۔ اے ھیالانی درشانی آئی ءَ پنچ شمبے ءِ روچ ءَ میاں اوستمانی راول ایکسپو ءِورچوئل دیوان ءَ گوں تران کنانءَ کتگ۔ ملک مستر ءَ گشتگ کہ مزن وزیر عمران خان ءَ کورونا ہوپ ءِ آماچ بوتگیں مردمانی سرءَ سرجمی ءَ دلگوشی کتگ،مزدورءُ مُزگرے مردمانی احساس پروگرام ءِ وسیلگءَ کمک کنگ بوتگ، پاکستان ایندگہ ملک آں چہ کورونا ءِ کم آماچ بوتگ۔ آئی ءَ گشتگ کہ کورونا ہوپ ءِ تہءَگشادی ءَکمی پیداک اِنت۔ ملک مستر ءَ گشتگ کہ بیپارانی ڈنی ملک سفارتخانہ آں استیں کمرشل قونصلرزآں گوں نزیکی ءَ را گیش کنگءِ ضلورت اِنت۔ آئی ءَ گشتگ کہ سامان آنی نماش ءَ چہ سرجمیں دنیاءِ بیپار کمیونٹی ءَ راپاکستان ءِ جوڑ کتگیں سامان آنی باروا سرپدی رسیت۔ آئی ءَ نماش ءَ ہوار بازیں ملک آنی سفارتکارانی شگرءُ منت گپتگ۔
