اسلام آباد۔ 06 اگست (اے پی پی) نیشنل ڈیزاسٹرمینجمنٹ اتھارٹی پنچ شنبے آن ہفتہ ٹی سندھ و دے ٹکی بلوچستان اٹی جشوک آ پِر و اربن فلڈنگ نا گڑتی تا رداٹ تعلقدار محکمہ غاتیکن الرٹ جاری کرے۔ این ڈی ایم اے نا ترجمان نا رداٹ محکمہ موسمیات پنچ شنبے آن ہفتہ ٹی سندھ ودے ٹکی بلوچستان اٹ جشوک آ پِر تا پیش گوئی کرینے۔ این ڈی ایم اے غٹ صوبائی ڈیزاسٹرمینجمنٹ اتھارٹیزو محکمہ غاتے الرٹ و ایڈوائزری جاری کرینے۔ ترند پِرک کراچی، حیدر آباد و ایلو بھلا شار تیٹی اربن فلڈنگ نا سوب مننگ کیرہ۔ این ڈی ایم اے نا ایڈوائزری ٹی تعلقدار محکمہ غاتے پاننگانے کہ روڈ کلیئرنس مشینری و المی عملہ ءِ ہلہلہ ئی حالیت آتیکن تیار کیر۔ الس پِر اٹ بے گرج وڑاٹ اُراتیان پیش تمپس، بجلی نا کھمبہ و ایلو برقی تنصیب آتیان مُرسلر۔ داٹی سندھ و مکران نا کرک آ سمندری جولک تلاطم خیز مریرہ۔ ہنداخاطرآن ماہی گیر نا خواجہ غاک دیر اٹ ہِننگ آن پاناد کیر۔
