اسلام آباد۔ 06 اگست (اے پی پی) بنجائی حکومت ملک اٹی مواصلات نا انفراسٹرکچر اٹ گچینی اتنگ کن فیصل آباد۔ خانیوال ایم فور موٹروے 184 کلومیٹر مرغن برجا ڈٹ اکن اینخو مالی سال 2020-21ء نا بجٹ نا رداٹ سرکاری بشخ انا شونداری پروگرام (پی ایس ڈی پی) ٹی مواصلات ڈویژن نا دا ڈٹ اکن 2500 ملین روپئی جتا کرینے۔ وزارت مواصلات نا سرکاری حوالی نا رداٹ بنجائی حکومت فیصل آباد۔ خانیوال ایم فور موٹروے نا 184 کلومیٹر مرغن برجا ڈٹ اکن سرکاری بشخ انا شونداری پروگرام اٹ 2500 ملین روپئی جتا کرینے وخت اس کہ ڈٹ انا جم خڑچ انا کساس 60823.660ملین روپئی خلنگانے۔ کالاشاہ کاکوآن لاہور 18.3 کلومیٹر 6 رویہ رنگ روڈ ڈٹ انا تفنگ کن اینخو مالی سال 2020-21نا بجٹ اٹ سرکاری بشخ انا شونداری پروگرام (پی ایس ڈی پی) ٹی 86.380 ملین روپئی جتا کننگانے وخت اس کہ ڈٹ انا تفنگ آ جم وڑاٹ خڑچ 12848.047 ملین نا کساس ءِ خلنگانے۔
