وزیراعظم نا پارت آ کراچی ٹی ڈور تا سفائی نا مسٹ میکو دے،
اسلام آباد۔ 06 اگست (اے پی پی) وزیراعظم نا پارت آ کراچی ٹی ڈور تا سفائی نا مسٹ میکو دے، داتم اسکان 35 چوک پوائنٹ آتے کلیئر کننگا، گجر نالہ 80 درسد، کورنگی 85 درسد و مواچھ گوٹھ نالہ 75 درسد اسکان ساف کننگانو۔ نیشنل ڈیزاسٹرمینجمنٹ اتھارٹی نا ترجمان نا رداٹ ایف ڈبلیو او گجرنالہ، کورنگی نالہ و مواچھ گوٹھ نالہ غا کاریم کننگ انگ ءِ۔ مسہ بھلا ڈور تیا درو 42 ہند آتیا چوک پوائنٹ ئسر۔ داتم اسکان 35 چوک پوائنٹ آتے کلیئر کننگانے۔ ترجمان پارے کہ گجر نالہ 80 درسد، کورنگی 85 درسد و مواچھ گوٹھ نالہ 75 درسد اسکان ساف کننگانو۔ تدوک آ دے کم و ود 10 ہزار ٹن کچرا ڈورتیان کشنگا۔ داوخت اسکان مسہ بھلا ڈور تیان 20 ہزار ٹن آن زیات کچرہ کشنگانے۔ ایف ڈبلیو او ءِ 8 اگست اسکان مسہ ڈور تا پوروسفائی نا ٹاسک ءِ تننگانے۔ ترجمان نا رداٹ چیئرمین این ڈی ایم اے ایف ڈبلیو او و ایلو تعلقدار ادارہ غاتون پدریسہ رابطہ ٹی ءِ۔ وزیراعظم ءِ ہڑدے ئی بنداو آ کاریم نا پیش رفت آن معلومدار کننگ انگ ءِ۔
