مظفر آباد ۔ 5 اگست (اے پی پی) مزن وزیر عمران خان ءَ گوشت کہ کشمیر ءِ جیڈھ دگنیا ءِ ھمک فورم ءِ سر ءَ چست کناں، مودی کشمیر ءِ ھاسیں بستار ءِ ھلاسی ءِ زوراکیں پیسلہ ءَ کنگ ءَ چہ پد گٹ بوتگ، ایشی ءِ اے گامگیج کشمیر ءِ آجوئی ءِ گڈ بیت، میاں اوستمانی میڈیا ءُ روبرکت ءَ ھوار سرجمیں دگنیا نوں کشمیر ءِ سر ءَ تران کنت، کشمیر ءِ جیڈھ ءَ را 5 اگست ءَ چہ پد ھمے رنگ ءَ چست بوتگ جاک ءُ کوکار ءُ کویڈ 19 ءِ سبب ءَ 6 ماہ ءَ چہ اے جیڈھ پشت ءَ شتگ۔ ایشرا پدا سرجمیں رنگ ءَ چست کنگ ءِ منصوبگ بندی کنگ ءَ آں۔ سیدۤ علی گیلانی ءَ را آئی یے جوانیں گامگیج آنی پد ءَ 14 اگست ءَ نشان پاکستان دیگ بیت۔ چار شمبے ءَ یوم استحصال کشمیر ءِ موہ ءَ آزات کشمیر کانود جوڑ کنوکیں اسمبلی ءِ دیون ءَ گشتانک دیان ءَ مزن وزیر پاکستان عمران خان ءَ گوشت کہ من مزنیں واھگ ءِ گوما شمے درستانی گپ گوشداشت، پاکستان ءِ تہ ءَ ھمے پوٹٹینشل است انت، دگنیا ءِ تہ ءَ دگہ کزا یک ملکے ءِ کرا بہ بیت۔ ایشی ءِ وت پاکستانی آنی اندازگ ھم نیست انت۔ مارا ایشی یے شر زانت است کہ اے کجا بہ روت۔ 60 ءِ زمانگ ءَ دگنیا ءِ تہ ءَ پاکستان ءِ درور دیگ بیت۔ ایشی یے بابت ءَ گوشگ بوھگ ءَ بوتگ کہ ایش اشیا ءِ کلیفورنیا جوڑ بوھگ ءَ انت۔ پدا بد بھتی ءَ ایش پشت ءَ پشت کپان بوت۔ آئی ءَ گوشت کہ اے دگنیا ءِ راجدپتر ءَ ھرکس کہ وتی منزل ءَ چہ در شتگ آ پشت ءَ پشت کپان بوتگ۔ مزن وزیر ءَ گوشت کہ مارا مایوس بوھگی نہ لوٹ ایت، مزن وزیر آزات کشمیر ءِ گپاں چہ منا مایوسی بوتگ۔ آئی یے گپاں چہ منا لگ ات کہ آ توک ءَ چہ پرشتگ ءُ شکت ایگ انت پدا ھم منی سسسا ایشی ءَ چہ مٹ انت، کشمیر آناں اللہ پاک اے وڑیں دور ءُ باریگ ءَ چہ گوازینگ ءَ انت کہ نوں کشمیر آزات بنت، 5 اگست 2019 ءِ مودی ءِ گامگیج ٹوھیں ردئی یے بوتگ، مودی ءِ 5 اگست ءِ پیسلہ ءِ پشت ءَ بازیں گپ است، آ پاکستان ءِ ھلاپ ءَ کسد ءُ کینگ شنگ ءُ تالان کنگ ءَ انت۔ پلوامہ ءِ واکیہہ ءَ را پاکستان ءِ گٹ ءَ دور دیان ءَ پاکستان ءَ را سبک سکارینگ ءِ گپ کتگ، کشمیر ءِ ھاسیں بستار ءِ ھلاسی مودی ءِ منشور ءِ تہ ءَ ھوار انت، گچین کاری ءِ تہ ءَ ووٹ رسگ ءِ واستہ مودی ءَ 5 اگست اے گامگیج کتگ۔ آئی ءَ گوشت کہ زوت کشمیر آجو بیت۔
