اسلام آباد ۔ 5 اگست (اے پی پی) بنجاھی وزیر اھوالکاری ءُ شنگ کاری سینٰٹر شبلی فراز ءَ گوشت کہ بھارت ءَ 5 اگست 2019 ءَ بیک جنبش قلم کشمیر وڑیں کشاں چیلی دمگ ءَ را گیر کانودی رنگ ءَ وتی بھر جوڑ کتگ، اے جاور ھال آنی تہ ءَ پاکستان ءِ سیاسی نکشہ پاکستانی ءُ کشمیر الس ءِ راجدپتری بنگپ ءِ آدینک ءَ پیش دار ایت، اے نکشہ مئے دمگی دعویٰ (ٹیریٹوریل کلیم) ءِ آدینک انت۔ یوم استحصال کشمیرر ءِ موہ ءَ ایف نائن پارک اسلام آباد ءَ پاکستان ءِ سیادی نکشہ ءِ بنگیجی مراگش ءَ گشتانک ءَ دیان ءَ بنجاھی وزیر اھوالکاری ءُ شنگ کاری شبلی فراز ءَ گوشت کہ پاکستان ءِ سیاسی نکشہ ءَ ما وتی توامیں دمگی دعووا آناں سہرا کتگ ءُ سرجمیں دگنیا ءُ پاکستانی الس ءَ را وتی بن گپ ءَ را سہرا کتگ۔ آئی ء۔ گوشت کہ اے پاکستان ءِ مدام راجدپتری بن گپ بوتگ ءُ ما ھمے بن گپ ءِ سر ءَ آں ۔ وزیر ءِ اھوالکاری ءُ شنگ کاری ءَ گوشت کہ کشمیر ءِ جیڈھ ءِ گیواری اقوام متحدہ ءِ منوگری آنی رد ءَ بہ بیت۔ کشمیری الس آناں وت مستری ءِ ھک دیگ بہ بیت۔ آئی ءَ گوشت کہ اقوام متحدہ ءِ منوگری آنی رد ءَ مقبوضہ کشمیر ءِ پیسلہ بہ بنت، اے پاکستان ءِ اولی سیاسی نکشہ انت ایش پاکستانی ءُ کشمیر الس آنی واھگ آںی درشانی ءَ کنت انت۔
