اسلام آباد ۔ 5 اگست (اے پی پی) وزارت اوورسیز پاکستانیزءَ گشتگ کہ بیروت تراک ءَ ایچ پاکستانی ءَ را نقصان نابوتگ۔ وزارت اوورسیز ءِ نیمگءَ چہ جاری معلومداری ءِ ردءَ بیروتءَ پاکستانی سفارتی مشن ءَ اے گپ پکہ کتگ کہ پورٹ تراکاں چہ پاکستانی سفارتی کاردار ءُ آیانی ھانداناں ءُ ایندگہ پاکستانی آں کسءَرا ایچ وڑیں نقصان نابوتگ۔ وزارت اوورسیز ءِ گشگءِ ردءَ لبنان ءَ اے وہدءَ یک ہزار ءَ چہ گیش پاکستان جامنند اَنت۔ وزارت اوورسیز ءَ لبنان ءَ نندوکیں پاکستان آں کمک دیئگ ءِ ھاترءَ ایمرجنسی نزیکی نمبر جاری کتگ کہ آئی ءِ تہءَ گشگ بوتگ کہ کجام وڑیں کمکءِ ھاترءَ بیروت ءَ پاکستانی سفارتی مشن ءِ نمبر 0096176866609.009611843971 ءُ ای میل ڈسءُنشان [email protected] ءُ وزارت اوورسیز ءِ کمک لائن 0519212525۔03005307884 ءِ سرءَ نزیکی کنگ بیت۔
