مظفرآباد۔ 05 اگست (اے پی پی) وزیراعظم عمران خان یوم استحصال نا وخت آ کشمیری تتون یکجہتی کن آزاد کشمیر نا دارالحکومت مظفرآباد آ بس و ریلی نا کماشی ءِ کرے۔ ریلی ٹی صدر آزاد کشمیر سردار مسعود خان، وزیراعظم آزاد کشمیر راجہ فاروق حیدرخان، چیئرمین پارلیمانی کشمیر کمیٹی شہریار آفریدی، بنجائی وزیر حوالکاری و شینکاری سینیٹر شبلی فراز، وزیر امور کشمیر علی امین گنڈاپور، پارلیمانی سیکرٹری ثوبیہ کمال، آزاد کشمیر نا وزیر آک، کانود ساز اسمبلی نا باسک آک، حریت کانفرنس آزاد کشمیر شاخ انا راہشونک و الس بھلو کچ اسے ٹی بشخ ہلکر۔ داوخت آ وزیراعظم پاکستان بھارتی ظلم انا برخلاف سینہ سپر کشمیری تا جوزہ حریت ءِ خراج تحسین پیش کننگ و شہید آتا یات اٹ جوڑ کروک آ مزاحمتی وال انا بناءِ کرے۔ اودے داڑے دا بابت حوال تننگا۔ داوخت آ کشمیر نا شہید آتے کن دعاہم کننگا۔ داکان مست وزیراعظم عمران خان نا مظفر آباد آ بننگ آ ہیلی پیڈآ وزیراعظم راجہ فاروق حیدر خان و صدر سردار مسعود خان اودے بخیر کریر۔
