راولپنڈی۔ 05 اگست (اے پی پی) بھارتی فوج لین آف کنٹرول نا ہاٹ سپرنگ سیکٹر آ اسہ وار ولدا خارتس سم کاری کرسا شاری آبادی ءِ شست کرے ہراٹی 18 سال انا مسڑاس شہید وخت اس کہ اِرا زالبول و اِرا چناتتون اوار 6 کودک شاری ٹھپی مسر۔ پاک فوج بھارتی خارتس سم کاری نا وخت آ و گچین ورندی ءِ تس۔ پاک فوج انا شعبہ تعلقات عامہ (آئی ایس پی آر) نا رداٹ چارشنبے نادے آ بھارتی فوج لین آف کنٹرول نا ہاٹ سپرنگ سیکٹر آ خارتس سم کاری نا چرجوئی بناکرے ہراڑآ پاک فوج وخت آ ورندی ترسا ہمو بھارتی چوکی تے شست کرے ہراکان سم کاری نا بناءِ کننگا۔ بھارتی فوج انا کنڈآن اینخو سال اٹ داتم اسکان 1877 جنگ بندی معاہدہ نا خلاف ورزی ءِ کننگا ہراٹی 5 چناو 6 زالبول آتون اوار 15 کودک شاری شہید مسنو وخت اس کہ 46 زالبول و 37 چناتے تون اوار 144 شاری ٹھپی مسنو۔
