2،81،136 زہمی بندغ آتیان 2،54،286 دراخ جوڑ، ایکٹو ناجوڑ آتا کچ 20،836 مس، نیشنل کمانڈ اینڈ کنٹرول سینٹر
اسلام آباد۔ 05 اگست (اے پی پی) تدوک آ 24 گھنٹہ ٹی کوویڈ۔ 19 نا 675 ناجوڑ آتا ٹیسٹ مثبت بس وخت اس کہ 15 بندغ زوال کریر ہرافتیان 13 بندغ ہسپتال آتیٹی و 2 بندغ اُراتیٹی قرنطینہ ٹی دنیا ءِ اِلار۔ نیشنل کمانڈ اینڈ کنٹرول سینٹر نا کنڈآن جاری تازہ انگا حساب وکتاب نا رداٹ تدوک آ 24 گھنٹہ ٹی 11 ہزار 915 کوروناوائرس نا ٹیسٹ کننگا، ہرافتیان سندھ اٹی 3 ہزار 922، پنجاب اٹی 5 ہزار 602، خیبر پختونخوا ٹی 513، اسلام آباد اٹی اسہ ہزار 362، بلوچستان اٹی 235، گلگت بلتستان اٹ 77، آزاد کشمیر اٹ 204 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 2 لکھ 54 ہزار 286 مسنے۔ آزاد کشمیر گلگت بلتستان و بلوچستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آ اف وخت اس کہ مچ آ ملک اٹی کوویڈ۔ 19 نا ناجوڑ آتیکن جتا اسہ ہزار 859 وینٹی لیٹر آتیا 165 ناجوڑ ءُ۔ داوخت آ مچ آ ملک اٹ کوویڈ۔ 19 نا ایکٹو کیس آتا کچ 20 ہزار 836 ءِ۔ داوخت اسکان مچ آ ملک اٹی کوویڈ۔ 19 نا ناجوڑ آتا کچ 2 لکھ 81 ہزار 136 ءِ ہرافتیان آزاد کشمیر اٹ 2 ہزار 105، بلوچستان اٹ 11 ہزار 780، گلگت بلتستان اٹ 2 ہزار 218، اسلام آباد اٹ 15 ہزار 122، خیبر پختونخوا ٹی 34 ہزار 234، پنجاب اٹ 93 ہزار 571 و سندھ اٹ اسہ لکھ 22 ہزار 16 ناجوڑ ءُ۔ مچ آ ملک اٹ کوویڈ۔ 19 آن زوال کروک آتا کچ 6 ہزار 14ءِ ہرافتیان سندھ اٹی 2 ہزار 231 وخت اس کہ تدوک آ 24 گھنٹہ ٹی 4 بندغ ہسپتال اٹی زوال کریر وخت اس کہ اسہ ناجوڑ اس اُراٹی قرنطینہ ٹی زوال کرے۔ پنجاب اٹ 2 ہزار 157 وخت اس کہ تدوک آ 24 گھنٹہ ٹی 4 بندغ ہسپتال آتیٹی زوال کریر۔ خیبر پختونخوا ٹی اسہ ہزار 213 وخت اس کہ تدوک آ 24 گھنٹہ ٹی 4 بندغ ہسپتال آتیٹی داناجوڑی نا برخلاف زند آن دوتے سلار وخت اس کہ اسہ ناجوڑ اس اُراٹی قرنطینہ ٹی زوال کرے۔ اسلام آباد اٹ کل 167، بلوچستان اٹ 136، گلگت بلتستان اٹ 55 مرک مس۔ آزاد کشمیر اٹ 55 مرک مس ہرافتیان تدوک آ 24 گھنٹہ ٹی اسہ ناجوڑ اس ہسپتال اٹی داوائرس آن زوال کرے۔ داتم اسکان مچ آ ملک اٹ 20 لکھ 43 ہزار 870 کورونا نا ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 735، ہسپتال آتیٹی اسہ ہزار 381 ناجوڑ درمان مننگ ءُ۔
