کوئٹہ۔ 05 اگست (اے پی پی) ڈپٹی اسپیکر قومی اسمبلی قاسم خان سوری پارینے کہ مودی سرکار آرٹیکل 370 و 35 اے ءِ چٹفسا جبری وڑاٹ مقبوضہ کشمیر ءِ بھارت نا بشخ کننگ نا کوشست کرسا مقبوضہ کشمیر نا الس نا حق خودارادیت آ سرعام ڈاکہ خلکونے، پاکستان نا غٹ سیاسی جماعت آک ملکی دفاع آنبار مقبوضہ کشمیر نا دفاع کن ہم یک توار و یک جان ءُ۔ چارشنبے نادے آ یوم استحصال کشمیر نا وخت آ تینا جاری کروک کلہو اٹی قاسم خان سوری پارے کہ 5 اگست 2019نا دے نریندر مودی تینا ہی ملکی کانود و اقوام متحدہ نا مقبوضہ کشمیر نا بابت قرارداد آتا سرعام خلاف ورزی ءِ کرسا مقبوضہ کشمیر آ آئینی جارحیت کرسا آئین نا آرٹیکل 370و 35 اے نا رداٹ کشمیر اسہ امنا کروک متنازعہ علاقہ اس گوندنگاسس ولے مودی جبری وڑاٹ مقبوضہ کشمیر ءِ بھارت نا بشخ کننگ نا کوشست کرے و مقبوضہ کشمیر نا الس نا حق خودارادیت آ سرعام ڈاکہ خلنگا دا گام گیج نا نئے بیرہ کشمیر پاکستان بلکن ایلو ملک آک و انسانی حق انا جہانی تنظیمک ہم ترندی اٹ مخالفت ءِ کریر۔ اوپارے کہ پاکستانی الس ملکی دفاع آنبار کشمیر نا دفاع کن ہم یک توار و یک جان ءُ و کشمیر نا آجوئی و حق خودارادیت نا دوئی کننگ کن ہروڑنا قربانی ایترہ۔
