اسلام آباد ۔ 4 اگست (اے پی پی) مزن وزیر عمران خان ءَ گوشت کہ پاکستان ءِ نوکیں سیاسی نکشہ اولی گام انت، مرچی تاریخ ءِ ارزشتی ایں روچ ات، نوکیں سیاسی نکشہ راج ءِ جوزگ آںی ترجمانی ءَ کنت، ما لوٹاں کہ کشمیری آنں زوت وتی منزل بہ رس ایت، کشمیر ءِ جیڈھ دگنیا ءِ ھمک رورم ءِ سر ءَ چست کناں، منزل ءَ تاں پجگ ءَ چہ پیسر ایشی ءِ لیکہ ءَ را وتی زہن ءَ آرگ المی بیت۔ سے شمبے ءَ پاکستان ءِ نوکٰں سیاسی نکمہ ءِ بنگیج ءَ راج ءَ را مبارک بات دیان ءَ آئی ءَ گوشت کہ اے نکشہ اولی گام انت، بھارت ءَ 5 اگست ءِ ھما گام کہ جتگ اے نکشہ ایشی ءِ مٹوئی ءَ انت، مقبوضہ کشمیر ءِ مردم پاکستان ءِ بھر جوڑ بوھگ لوٹاں، من دل یکیم آں کہ آ وتی منزل ءَ المی ءَ سر باں۔ آئی ءَ گوشت کہ بنجاھی کابینہ ءَ سیاسی نکشمہ ءِ یک شلی ءَ منظوری داتگ، کشمیر ءِ جیڈھ ءِ گیواری اقوام ءِ متحدہ ءِ منوگری آنی تہ ءَ است انت۔ عمران خان ءَ گوشت کہ ما سیاسی جہد ءُ کوشست آں کناں، فوجی جہد ءُ کوشست ءَ را نہ مناں، کشمیر ءِ جیڈھ دگنیا ءِ ھمک فورم ءِ سر ءَ چست کناں، تاں وھد ءِ زندگ آں پاکستنای راج کشمیر ءِ واستہ جہد ءُ کوشست ءَ کناں۔ آءی ءَ گوشت کہ نکشہ ءَ لائن آف کنٹرول ءَ را سہرا کنگ بوتگ، کشمیر پاکستان ءِ بھر جوڑ بیت اے نکشہ اولی گام انت، مرچی راجدپتر ءِ نمیرانیں روچ ات، پاکستان ءِ توامیں سیاستدان آں نوکیں نکشہ ءَ را من اتگ۔ مزن وزیر ءَ گوشت کہ مرچی ھمے کہ جاڑی کنگ بوتگ ھمے پاکستان ءِ سیاسی نکشہ بیت، بھارت کشمیری الس آنی سر ءَ زوراکی ءُ لگت مالی کنگ ءَ انت۔
