ٹیکنالوجیءِ دیمروئی ءَ چہ ملک ءَ را دیمروئی ءِ کشک ءَ رھادگ کنگ بوت کنت، گورننس ءُ سائنس ءِ کارمردی ءَ چہ دیمروئی بوت کنت، کشت ءُ کشار پاکستنان ءِ بنیات انت، اے شوبگ ءَ ڈرون ٹیکنالوجی ءَ را کارمردی کنگ بہ بیت، صدر ءِ مملکت ڈاکٹر عارف علوی ءِ کامیسٹیک یونیورسٹی ءَ وت جوڑیشتی ھیل کاری ءِ ھوالگ ءَ مراگش ءَ گوں گشتانک

اسلام آباد ۔ 4 اگست (اے پی پی) صدر مملکت ڈاکٹر عارف علوی ءَ وت جوڑیشتی ھیل کاری ءَ را کارمرد کنگ ءِ ضلورت ءِ سر ءَ زور پرد دیان ءَ گوشت کہ ٹیکنالوجی ءِ دیمروئی ءَ چہ ملک ءَ را دیمروئی ءِ کشک ءَ رھادگ کنگ بیت کنت، گورننس ءُ سائنس ءِ کارمردی ءَ چہ دیمروئی بوت کنت۔ کشت ءُ کشار پاکستان ءِ بنیات انت، اے شوبگ ءَ را ڈرون ٹینکنالوجی ءِ کارمردی بوت کنت۔ پاکستان ءَ استیں حکومت جوانیں پالیشی ءُ الس ءِ نیمگ ءَ رکھینگی رھبند آنی سبب ءَ کورونا ھوپ ءِ سر ءَ گر ءُ دار کنگ ءَ کامیاتی در جتگ۔ اے ھیالانی درشانی آئی ئَ سئے شمبے ءَ کامسٹیک یونیورسٹی ءَ وت جوڑیشتی ھیل کاری ءِ ھوالگ ءَ مراگش ءَ گوں گتشتانک دیان ءَ کت۔ صدر ءِ مملکت ءَ وت جوڑیشتی ھیل کاری ءِ سبب ءَ ھساب ءُ داد آناں یکجا کنگ ءُ ایشی ءِ رد ءَ پالیشی جوڑیشت ءَ کمک رسیت۔ وت جوڑیشتی ھیل کاری ءَ را کارمرد کنگ ءَ چہ گیشاں چہ گیش ڈیٹا یکجا کنگ ءَ ازمکاری آنی تہ ءَ گیشی بیت، پاکستان ءَ 20 کروڑ مردم آںی ڈیٹا استی انت، اے ڈیٹا نوکیں سہر ءُ ٹیل انت، ما اے ڈیٹا آنی سر ءَ پٹ ءُ پول ءَ چہ بازیں گہتری آرگ بیت کنت۔ آئی ءَ گوشت کہ لچین ءَ ٹیکنالوجی ءِ بنیات ءَ گریبی ءَ را ھلاس کتگ، ٹیکنالوجی ءِ پڑ ءَ وت جوڑیشتی ھیل کاری انوں نوکیں چیز ات، مارا اے زانگ ءِ ضلورت انت کہ ایشی ءَ چہ کجام کجام شوبگ آنی تہ ءَ سیت زوگ بیت کنت۔ آئی ءَ گوشت کہ مسل آنی دُزی ءِ ترس بیت ایشی ءِ گر ءُ دار کنگ ءِ واستہ بازیں گامگیج کنگ بیت۔ آئی ءَ گوشت کہ ما سسا ساچ کنان ءَ پٹ ءُ پول کنگ ءَ چہ پد پیسلہ کناں۔ آئی ءَ گوشت کہ ملک راستیں کشک ءَ رھادگ انت، توامیں شوبگ آنی تہ ءَ جوانیں گہتری پیداک انت۔ اے موہ ءِ سر ئَ بنجاھی وزیر برائے سائنس ءُ ٹیکنالوجی فواد حسین چوہدری ءُ بنجاھی وزیر برائے منشیات ءِ گر ءُ دار اعظم سواتی ھم ساڑی ات۔