کوئٹہ۔ 04 اگست (اے پی پی) ترجمان حکومت بلوچستان لیاقت شاہوانی پارینے کہ عئید آن مست کوروناوائرس نا تالانی نا گڑتی مچ آ ملک اٹ ئس بلوچستان حکومت کورونا نا تالانی ءِ توننگ کن سخت گام گیج کرے عئید آن مست پڑی تیٹی ایس او پی تیا عملدرآمد کننگا، بروک آ پانزدہ دے آن پد حالیت آتا جاچ ءِ ہلسا اسکول و کالج آتے ملنگ نا فیصلہ ءِ کننگک، عئید انا مسہ دے اٹی مچ آ بلوچستان اٹ بیرہ 34 کیس رپورٹ مس ہرا است بڈی نا سوب ءِ ۔ داخیال آتا درشانی ءِ او سے شنبے نادے آ پریس کانفرنس آن تران کرسا کرے۔ ترجمان حکومت بلوچستان لیاقت شاہوانی پارے کہ کورونا نا داتم اسکان نا ہراحالیت ءِ او است بڈ ءِ داوخت اسکان نا کورونا نا حالیت ءِ ہرسا سمارٹ لاک ڈاؤن اٹ ودکی کننگا اومستی پارے کہ بروک آپانزدہ دے آن پد حالیت آتا جاچ ءِ ہلسا اسکول و کالج آتے ملنگ نا فیصلہ ءِ کننگک۔ عئید انا مسہ دے اٹی مچ آ بلوچستان اٹ 34 کیس رپورٹ مس ہرا است بڈی نا سوب ءِ جون اٹ غٹ آن زیات کیس رپورٹ مس ہرا کل کیس آتا 52 درسد ءِ۔ 22 جولائی آن داتم اسکان مچ آ بلوچستان اٹ کورونا غان ہچ ءُ مرک اس متنے اوپارے کہ تدوک آ پنچ دے اٹی بلوچستان نا 26 ضلع غاتیان ہچ ءُ کیس اس مون آ بتنے، مخلوق آن خواست ءِ کہ زیات آن زیات کورونا نا ٹیسٹ کرفر اگہ مخلوق تینٹ ٹیسٹ کرفپک تو نن تینٹ مخلوق آ ہنسا اوفتا ٹیسٹ ءِ کینہ، ایس او پی تیا عملدرآمد کرسا کورونا ءِ چٹفنگ نا خڑک آ سرمسونن۔ اوشاری تیان خواست کرسا پارے کہ کورونا داسکان چٹتنے شاری خیال تخر۔
