کوویڈ۔ 19 نا 435 پوسکن ءُ کیس، 15 مرک رپورٹ، 2،49،397 زہمی بندغ دراخ جوڑ، ایکٹو کیس آتا کچ 25،065مس، نیشنل کمانڈ اینڈ آپریشن سینٹر

اسلام آباد۔ 04 اگست (اے پی پی) تدوک آ 24 گھنٹہ ٹی کورونا نا 432 ناجوڑ آتا ٹیسٹ مثبت بس وخت اس کہ تدوک آ 24 گھنٹہ ٹی 15 بندغ زوال کریر ہرافتیان 15 بندغ ہسپتال آتیٹی زوال کریر۔ نیشنل کمانڈ اینڈ آپریشن سینٹر نا کنڈآن جاری تازہ انگا حساب و کتاب نا رداٹ تدوک آ 24 گھنٹہ ٹی 10 ہزار 690 کوویڈ۔ 19 نا ٹیسٹ کننگا ہرافتیان سندھ اٹ 4 ہزار 484، پنجاب اٹ 4 ہزار 280، خیبر پختونخوا ٹی 625، اسلام آباد اٹ 766، بلوچستان اٹ 246، گلگت بلتستان اٹ 85، آزاد کشمیر اٹ 204 ٹیسٹ کننگا۔ داتم اسکان مچ آ ملک اٹ کوویڈ۔ 19 آن دراخ جوڑ مروک آتا کچ 2 لکھ 49 ہزار 397 مسنے۔ آزاد کشمیر گلگت بلتستان و بلوچستان اٹ اسہ ناجوڑ اس ہم وینٹی لیٹر آ اف وخت اس کہ مچ آ ملک اٹ کورونا کن جتا کروک اسہ ہزار 859 وینٹی لیٹر آتیا 209 کوویڈ۔ 19 نا ناجوڑ ءُ۔ داوخت آ مچ آ ملک اٹ کوویڈ۔ 19 نا ایکٹو کیس آتا کچ 25 ہزار 65 ءِ۔ داتم اسکان مچ آ ملک اٹ کوویڈ۔ 19 نا ناجوڑ آتا کچ 2 لکھ 80 ہزار 461 ءِ ہرافتیان آزاد کشمیر اٹ 2 ہزار 97، بلوچستان اٹ 11 ہزار 777، گلگت بلتستان اٹ 2ہزار 198، اسلام آباد اٹ 15 ہزار 95، خیبر پختونخوا ٹی 34 ہزار 253، پنجاب اٹ 93 ہزار 336 و سندھ اٹ اسہ لکھ 21 ہزار 705 ناجوڑ ءُ۔ مچ آ ملک اٹ کوویڈ۔ 19آن زوال کروک آتا کچ 5 ہزار 999ءِ ہرافتیان سندھ اٹ 2 ہزار 226 وخت اس کہ تدوک آ 24 گھنٹہ ٹی 2 بندغ ہسپتال اٹ زوال کریر۔ پنجاب اٹ 2 ہزار 153 وخت اس کہ تدوک آ 24 گھنٹہ ٹی 5 بندغ ہسپتال آتیٹی دنیا ءِ الار۔ خیبر پختونخوا ٹی اسہ ہزار 208 وخت اس کہ تدوک آ 24 گھنٹہ ٹی 6 بندغ ہسپتال آتیٹی دا ناجوڑ نا برخلاف زند آن دوتے سلار۔ اسلام آباد اٹ کل 167 وخت اس کہ تدوک آ 24 گھنٹہ ٹی 2 بندغ ہسپتال آتیٹی داناجوڑی نا برخلاف جان آن دوتے سلار۔ بلوچستان اٹ 136، گلگت بلتستان اٹ 55 مرک مس، آزاد کشمیر اٹ 54 مرک مس۔ داتم اسکان مچ آ ملک اٹ 20 لکھ 31 ہزار 955 کوویڈ۔ 19 نا ٹیسٹ کننگا۔ مچ آ ملک اٹ کوویڈ۔ 19 نا درمان کن جتا 735 ہسپتال آتیٹی 1 ہزار 543 ناجوڑ درمان مننگ ءُ۔