اسلام آباد۔ 04 اگست (اے پی پی)سی پیک نا رداٹ 7.2 ارب ڈالر نا خڑچ آن تفوک آ مین لین ریلوائی ایم ای ون نا پوروی آن ہزار آ پاکستانی تے روزگار نا وارخواہی فراوان مریک۔ سی پیک اتھارٹی کمامدارآتارداٹ مین لین ون ٹریک آن ریلوائی شکست آتا مون ءِ توننگ و ہزار آ ورناتیکن روزگار نا وارخواہی ودی کننگ اٹ کمک رسینگک۔ دا کراسنگ فری ٹریک مریک ہراڑآن کراچی آن لاہور اسکان نا سفری وخت ءُ پاس اٹ ہفت گھنٹہ نا کمتی بریک وخت اس کہ راولپنڈی آن لاہور نا سفر بیرہ 2گھنٹہ ٹی طے مریک۔ پشاور آن کراچی اسکان ڈٹ اٹ 1872 کلومیٹر مریس ریلوائی ٹریک نا اپ گریڈیشن اوار ءِ و پشاور آن کراچی اسکان ریلوائی ٹریک ءِ دورویہ کننگ ہم ڈٹ انا بشخ ءِ۔ ایم ایل ون آن ریل گاڈیک 160 کلومیٹر فی گھنٹہ نا رفتار اٹ چلینگک۔
