اسلام آباد۔ 04 اگست (اے پی پی) وزیراعظم نا سلاہکار واپار عبدالرزاق داؤد پارینے کہ جولائی 2020 ء ٹی پاکستان نا برآمد آتیٹی تدوک آ سال انا مقابلہ ٹی 5.8 درسد ودکی مسنے ہرا اسہ بھلو سرسہبی اسے۔ سے شنبے نادے آ داڑے اسہ ٹویٹ اسے ٹی اوپارے کہ برآمد آتیٹی ودکی اسہ بھلو سرسہبی اسے۔ اوپارے کہ تدوک آ چار تُو آن برآمد آتیٹی کمتی مون آ بسکہ ولے کوویڈ و سمارٹ لاک ڈاؤن آن پد ہم ننا برآمد’’میک ان پاکستان‘‘ پالیسی مون آ ہِننگ ءِ۔ اوپارے کہ ای غٹ برآمد کنندگان آتے مبارکباد تننگ خواوہ و اومیت کیوہ کہ دا رجحان اٹ ترندی برسا کیک۔
