اسلام آباد۔ 04 اگست (اے پی پی) کشمیری تتون یکجہتی نا درشانی ءِ کننگ کن زالبول پارلیمنٹرین آتا ڈل مظفر آباد آ روانہ مس۔ ڈل انا کماشی ءِ پارلیمانی سیکرٹری امور کشمیر و گلگت بلتستان ثوبیہ کمال کننگ ءِ۔ ڈل مظفر آباد اٹ باہوٹ کیمپ اٹ کشمیری خاہوت آتون اوڑدہی کیک۔ ڈل کشمیری تتون یکجہتی نا درشانی و اوفتا قربانی تیا اوفتے سلام پیش کیک۔ روانہ مننگ آن مست گپ وتران کرسا پارلیمانی سیکرٹری امور کشمیر و گلگت بلتستان ثوبیہ کمال پارے کہ مقبوضہ کشمیر اٹ بھارت نا تدوک آ سال انا قابل مذمت گام گیج آتا برخلاف مچ آ قوم سراپا برانز ءِ۔ بھارت 70 سال آن مقبوضہ کشمیر اٹ انسانی حق انا پاش آن پاش خلاف ورزی کننگ ءِ، دنیا ءِ کشمیری تے حق خودارادیت ترفوئی مریک۔ بھارت نا ہندو انتہاپسند فاشٹ پالیسیک ڈیہہ نا امن کن گڑتی نا سوبءُ ۔ سیکرٹری وزارت امور کشمیر و گلگت بلتستان اعجاز احمد خان ڈل ءِ روانہ کرے۔
