لاہور۔ 04 اگست (اے پی پی) پولیس شہید آتے خراج تحسین پیش کننگ نا قرارداد پنجاب اسمبلی ٹی جمع۔ قرارداد ءِ باسک پنجاب اسمبلی مومنہ وحید جمع کرفے۔ حوالی نا رداٹ مومنہ وحید نا کنڈآن قرارداد اٹ پاننگانے کہ وطن عزیز آ تینا جان تے ندر کروک آ پولیس شہید آتے خراج تحسین پیش کینہ، اوپارے کہ وطن عزیز آ تینا نہادی جان تے قربان کروک آ پولیس شہید آک قوم انا ہیرو ءُ۔ پنجاب پولیس نا شہید آک الس نا جان و مال انا رکھ اکن تینا نہادی دتراٹ تاریخ اس ہلانو۔ اوپارے کہ پولیس نا شہید آک مدام ننا است آتیٹی زندہ ءُ۔ قوم اینو دا عظیم ہیروتا بے مٹ قربانی تے خراج عقیدت پیش کیک۔ اوپارے کہ شہید آتا بے مٹ قربانی تیا قوم ءِ گمر ءِ۔
