اسلام آباد ۔ 3 اگست (اے پی پی) بنجاھی حکومت ءَ جموں ءُ کشمیر ءِ سر ءَ ہندوستان ءِ زوراکی ءُ کبزہ ءُ چپ ءُ چاگرد ءِ یک سالے سرجم بوھگ ءِ پد ءَ ھاسیں یاتگیریں ٹکٹ ءِ جاڑی کتگ۔ اے ھاسیں تاگیری ٹکٹ ءِ بنگیج ءِ مول ءُ مراد جموں کشمیر ءَ جاڑٰگیں ہندوستان ءِ بنی آدمی لگت مالی ءُ چست ءُ ایر ءُ جموں کشمیر ءِ مسلمان آنی سر ءَ کتگیں زوراکی ءُ لگت مالی ءَ را دگنیا ءِ دیم ءَ سہرا کنگی انت۔ بنجاھی وزیر اھوالکاری ءُ شنگ کاری سینیٹر شبلی فراز ءُ بنجاھی وزیر برائے پوسٹل سروسز ءُ رسانک مراد سعید دو شمبے ءَ پی آئی ڈی ءَ یکجائی پریس کانفرنس ءَ گشتانک کنگ ءَ ات۔ بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ پاکستان پوسٹ ءِ نیمگ ءَ جاڑی بوتگیں یاتگیری ٹکٹ کشمیری آں گوں یکوئی ءِ درشان کنگ ءِ اولی کڑی انت۔ اے یاتگیری ٹکٹ ءِ مول ءُ مراد دگنیا ءَ را اے باور کنائینگی انت کہ کجام وڑ ءَ ہندوستان ءَ کشمیر ءِ مسلمان آناں زوراکی ءُ لگت مالی ءَ گوں بزگ ءُ کیز کتگ۔ مزن وزیر عمران خان ءِ اقوام متحدہ ءِ گشتانک ءَ بندات بوھوکیں سفر ءَ تحریک آجوئی کشمیر ءَ را یک نوکیں روح ءِ مان کتگ، مزن وزیر عمران خان ءَ ھما رنگ ءَ کشمیر ءِ جیڈھ آناں سہرا کتگ راستیں رنگ ءَ آ سیر ءُ وکیل ءِ بستار ءَ کشمیر ءِ کیس ءَ را سہرا کتگ۔ دگنیا ءَ پاکستان ءِ سفارتخانہ ءُ پاکستانی ءُ کشمیری جتا جتائیں مراگش بست ءُ بند کنگ ءُ ہندوستان ءِ گیر کانودی لکا ءَ را پیش داراں کہ کجام رنگ ءَ گوستگیں 5 اگست ءَ را بھارت ءَ گیر کانودی کبزہ کتگیں کشمیر ءَ دوارگ ظلم ءُ زوراکی ءِ ھد کتگ۔ آئی ءَ گوشت کہ اے روچ مئے واستہ ءُ کشمیری آنی واستہ سیاھیں روچ ات، اے روچ ءَ را “یوم استحصال” ءِ رنگ ءَ برجم داراں۔ آئی ءَ گوشت کہ کشمیر کاز نہ اوشتیت۔
