سندھ حکومت ءِ وھد ءِ سر ءَ گامگیج چست نہ کنگ ءِ پد ءَ سندھ ءِ الس گندم ءُ آرت گران بھا زورگ ءَ انت، سندھ ءَ گندم ءِ کمی ءُ نیاد آنی تہ ءَ گیشی ءِ سبب ءَ گندم گلور ملز آناں جاڑی نہ کنگ انت، سندھ ءُ پنجاپ ءَ گندم ءِ پیداوار گیش بوتگ، حکومت ءِ سندھ ءِ نیمگ ءَ گندم ریلیز نہ کنگ ءِ سبب ءَ چہ گندم ءُ آرت گران بوتگ،
اسلام آباد ۔ 3 اگست (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَگوشت کہ سندھ حکومت ءِ وھد ءُ موہ ءِ سر ءَ گامگیج چست نہ کنگ ءِ سبب ءَ سندھ ءِ الس گندم ءُ آرت گران زورگ ءَ انت سندھ ءَ گندم ءِ کمی ءُ نیاد آںی تہ ءَ گیشی ءِ سبب ءَ گندم فلور ملز آناں جاڑی نہ کنگ انت، سندھ ءُ پنجاپ ءَ گندم ءِ پیداور گیش بوتگ، حکومت ءِ سندھ ءِ نیمگ ئَ چہ گندم ریلیز نہ کنگ ئِ سبب ءَ سندھ ءِ مردم گران بہاھیں گندم ءُ آرت ءِ بھا زورگ ءَ مجبور انت۔ آ دو شمبے ءَ بنجاھی وزیر سینٰٹر شبلی فراز ءَ گوشت کہ حکومت ءِ پنجاپ ءَ گندم ءُ آرت ءِ نیاد آنی تہ ءَ برجائی ءِ واستہ سبسڈی دیگ ءِ گوما وھد ءِ سر ءَ گندم فلور ملز آناں جاڑٰ کتگ ھمے ھاترا پنجاپ ءَ گندم ءُ آرت ءِ نیاد آںی تہ ءَ برجائی است انت۔ آئی ءَ گوشت کہ سندھ حکومت ءَ اے رنگیں جاور ھال جوڑ کتگ کہ سندھ ءِ الس آناں نوں تاوان بوھگ ءَ انت۔ آئی ءَ گوشت کہ اے سال پنجاپ ءُ سندھ ءَ گندم ءِ گیش پیداوار بوتگ ایشی ءَ ابید مارکیٹ ءَ اے گپ شنگ کنگ بوھگ ءَ انت کہ گندم ءُ آرت ءِ نیاد آںی تہ ءَ گیشی بوتگ۔ آئی ءَ گوشت کہ سندھ حکومت ءِ ھمک وھد ءَ گامگیج چست نہ کنگ ءِ پد ءَ سندھ ءِ الس گندم ءُ آرت گران بھا زورگ ءَ انت۔ بنجاھی وزیر شبلی فراز ءَگ وشت کہ جائز سیت کمائینگ ءَ مردم دست مانجن انت ایش گوستگیں زمانگ ءَ ھم ناجائزیں سیت ورگ ءَ دست مانجن بوتگ انت۔ اے وت جوڑیشتی ڈکال پیداک کنگ ءِ کوشست کنگ ءَ انت۔ سندھ حکومت ءَ ھوار توامیں صوبگ ایشی ءِ سر ءَ ھاسیں دلگوشی بدینت۔
