بلوچستان اٹ سمارٹ لاک ڈاؤن ءِ 17 اگست اسکان ودفنگا، نوٹیفکیشن جاری

کوئٹہ۔ 03 اگست (اے پی پی) بلوچستان حکومت سمارٹ لاک ڈاؤن اٹ 15 دے انا ودکی نا نوٹیفکیشن ءِ جاری کرینے اوکان پد مچ آ صوبہ ٹی 17 اگست اسکان سمارٹ لاک ڈاؤن مریک۔ ایڈیشنل چیف سیکرٹری محکمہ داخلہ و قبائلی امور حافظ عبدالباسط نا کنڈآن جاری نوٹیکفیشن نا رداٹ غٹ شاپنگ مال، مارکیٹ ، دوکان، گودام آٹوریپیئر شاپ آتون اوار ایلو دوکانک ہفتہ ٹی 6 دے سہب انا 9 بجہ غان نن نا 11 بجہ اسکان ملوک مریرہ۔ جمعہ نادے آ میڈیکل اسٹورتیان بیدس ایلو غٹ دوکانک بند مریرہ۔ تندور، ڈیری پروڈکٹس شاپ میڈیکل اسٹوربلڈ بینک و ٹیلر شاپ آتے 24 گھنٹہ ملوک مننگ نا موکل مریک۔