راولپنڈی۔ 03 اگست (اے پی پی) پنجاب حکومت کوہسار یونیورسٹی مری نا بقاعدہ بناءِ کننگ نا نوٹیفکیشن ءِ جاری کرے۔ ترجمان بنجائی حکومت و ایم این اے صداقت علی عباسی اے پی پی تون گپ وتران کرسا پارے کہ ہائر ایجوکیشن ڈیپارٹمنٹ نا نوٹیفکیشن نا رداٹ پنجاب ہاؤس مری، ریسورس سینٹر مری، گورنمنٹ ڈگری کالجز فاربوائز اینڈ گرلز و مری بروری نا 86 کینال ڈغار تینا غٹ فائدہ غاتون کوہسار یونیورسٹی مری نا پن آ گدریفنگانے۔ صداقت علی عباسی قومی خبر ایجنسی ءِ پارے کہ یونیورسٹی ایلو روایتی سرحال آتون اوار اوار سیل و سوات و ہاسپیٹیلیٹی مینجمنٹ آ ہم چکار کیک۔ اوپارے کہ پنجاب ہاؤس مری ءِ بطور ٹورازم کمپلیکس یونیورسٹی اس جوڑ کننگک ہرا ہاسپٹیلیٹی نا بشخ انا بست وبند اٹ کاریم کیک و طالب علم آتیکن پریٹیکل علم انا ذریعہ اس مریک۔ صداقت علی عباسی پارے کہ وزیراعظم عمران خان نا وژن نا رداٹ ملک اٹ ساڑی سرکاری ماڑی تے السی فائدہ غاتیٹی کاریم اٹ اتنگ انگءِ و پنجاب ہاؤس مری دانا اسہ بھلو درور اس مریک۔
