اسلام آباد ۔ 2 اگست (اے پی پی)ترکی ءِ صدر رجب طیب اردگان ءَ ملک مستر ڈاکٹر عارف علوی ءَرا شمبے ءِ شپ ءَ ٹیلیفون کتگ ءُ آئی ءَ را ائید ءِ مراد باتی داتگ۔ ملک مستر ڈاکٹر عارف علوی ءَ ہم ترک صدر اردوان ءَ را ائید ءِ مراد باتی داتگءُ نیکیں واہگانی درشانی کتگ۔ گوں ترک صدر ءَ گپ ءُ تران کتگءُ ڈاکٹر عارف علوی ءَ گشتگ کہ اے سال ءَ ائید سکیں گرانیں جاورھالاں گوں گوازینگ بوہگءَ اِنتءُ دنیا بازیں جیڑہ ءُ جنجالانی آماچ اِنت۔ ملک مستر ڈاکٹر عارف علوی ءَ گشتگ کہ کوویڈ19 ءَ میاں اوستمانی معیشت ءَ را آماچ کتگ۔ آئی ءَ پاکستان ءَ ہوار بازیں ملک آنی کوویڈ 19 ءِحلاپ ءِ جنگءَ کمک کنگءَ ترکی ءِ کردءَ را ساڑاتگ۔ کشمیر ءِ جاورھال ءِسرءَ گپ کنانءَ ملک مستر ءَ گشتگ کہ کشمیرءَ کشمیری آنی سرءَ بھارت زُلم ءُ ناحقی کنگ ءَ اِنت۔ ترکی ءِ صدر ءَ ڈاکٹر عارف علویءَ را کورونا ہوپ ءِھلاس بوہگءَ ترکی ءِ ترءُتاب کنگ ءِ دعوت ہم داتگ۔ ملک مستر ڈاکٹر عارف علوی ءَ صدر اردگان ءَ را آیا صوفیہ ءَ را پہ نماز ءِ ھاترءَ یک رندے پد پچ بوہگءِ سرءَ مرادبات داتگ۔
