اسلام آباد ۔ 2 اگست (اے پی پی) مزن وزیر عمران خانءَ گوں ترکی ءَ دوائیں پڑآں سیادی ءُ نزیکیں کمک ءَرا گیش کنگءِ جزم ءِ درشانی کتگءُ کوویڈ 19ءِ حلاپ ءَمیاں اوستمانی مہم ءَ کرد ءُ پاکستان ءَ ہوار بازیں ملک آنی کمک دیئگ ءَ ترکی ءِ کرد ءَرا ساڑاتگ۔آئی ءَ اے گپ شمبے ءِ شپ ءَ ترکی ءِصدر رجب طیب اردگان ءَ گوں ٹیلیفون ءِ سرءَ گپءُ تران کنانءَکتگ۔ ترکی ءِصدر ءَ ائید ءِ وشیں موہءَ مزن وزیر عمران خان ءَ را ٹیلیفون کتگ۔ دوئیں راہشوناں یکے دومی ءَ را ائید ءِ مراد بات داتگءُ پہ دوئیں ملک آنی اُلس ءَ نیکیں واہگانی درشانی کتگ۔ عمران خان ءَکوویڈ 19 ءِ حلاپ ءِ جنگءَمیاں اوستمانی مہم ءَ کرد پیلوکنگءُ پاکستان ءَ ہواربازیں ملک آں کمک کنگ ءَ ترکی ءَ را ساڑاتگ۔ دوئیں راہشوناں درمان جوڑ کنگءَ دیمروئی کنگ ءِ ھاترءَ یکجاہ کار کنگ ءِ سرءُ سوجانی تپاسی کتگ۔ فروری 2020 ءَ مزن گسءِ یکجائی دیوان ءَ گوں تران کنگءِ وہدءَ صدر رجب طیب اردگان ءَ ترکی ءِ اے لیکہ ءِ جزم ءِ درشانی کتگ۔ مزن وزیر عمران خان ءُ ترکی ءِ صدر رجب طیب اردگان ءَ دونیمگی ھدوناکی ءِ درشانی کتگ ءُ نزیکیں سیادی ایر کنگ ءِ سرءَ تپاک کتگ۔
