اسلام آباد ۔ 2 اگست (اے پی پی) سینیٹ ءِ چیئرمین محمد صادق سنجرانی ءُ ترکی ءِ گریڈ نیشنل اسمبلی ءِ اسپیکر مصطفٰی سینتوپ ءَ ٹیلیفون ءِ سرءَ دونیمگی سیادی، دمگی جاورھال ءُ دونیمگی ھدوناکی ءِایندگہ کارانی سرءَ ھیال ءُ لیکہ ءِدرشانی کتگ۔ یکشمبے ءِروچءَ سینیٹ سیکرٹریٹ ءَ چہ جاری جار ءِ ردءَ دوئیں راہشوناں یکے دومی ءَ را ائید ءِ مراد بات داتگ۔ سینیٹ ءِ چیئرمین ءَ گشتگ کہ آ آیا صوفیہ کو میوزیم ءَ چہ مسیت جوڑکنگ ءَ ترک حکومت ءَ را مراد بات پیش کناں، پاکستان گوں ترکی ءَ وتی سیادی ءَ را باز ارزشت دنت۔ آئی ءَ گشتگ کہ پاکستان ، ترکیءِ سیادی،مزن گسی سیادی، اُلسی تکءَ سیادی ءَ را دیمروئی دنت۔ آئی ءَ گشتگ کہ جیڑہ ءُجنجالانی پہ سول ءُ تران ءِوسیلگ ءَ امن ءُ ایمنی ءَ گوں گیشواری ءِ عمل ءَ را دیما برگءَ کمک دنت۔ انوگیں جاورھالاں مزن گسانی سرءَ مزنیں زمہ واری اَتکگ، کورونا ءِ سببءَ میاں اوستمانی تک ءَ نزیکی کنگ ءُ کمک ءَ را گیش کنگ ءِ ضلورت اِنت، کورونا وائرس ءَ نوکیں جیڑہ ءُ جنجال پیداک کتگ۔ دوئیں راہشوناں دمگی دیمروئی ءُ وشحالی ءِ ھاترءَ کوشستاں گیش گشاد کنگءِ سرءَ تپاک کتگ۔
