اسلام آباد ۔ 2 اگست (اے پی پی) پنجاب ءِ گورنر چوہدری محمد سرور ءَ گوشت کہ پاکستان تحریک انصاف ءِ حکومت جان سلامتی، وانگ ءُ زانگ ءُ کانود ءَ را مھکم داروکیں ادارگ آناں نظام ءِ گہتری ءِ واستہ کار کنگ ءَ انت، ٹی وی چینلز آں گوں تران کنان ءَ آئی ءَ گوشت کہ صوبگ ءِ ایمنی ءَ را برجم دارگ ءِ واستہ توامیں آسراتی کارمرد کنگ بوھگ ءَ انت۔ جان سلامتی ءِ شوبگ ءِ ھوالگ ءَ آئی ءَ گوشت کہ مارا سرجمیں ملک ءَ طبی جان سلامتی شور ءُ مشوری نظام ءِ ضلورت انت تانکہ سرکاری ہسپتال آنی مریض آنی رشی ءَ را کم کنگ بہ بیت۔ گورنر پنجاپ ءَ گوشت کہ استیں حکومت ءَ صوبگ آنی ٹیلی میڈیسن سینٹرز برجا کتگ انت۔ ادا ڈاکٹر مفت جان سلامتی شور ءُ مشور دینت۔ آئی ءَ گوشت کہ تیلی میڈیسن سینیٹرز ءَ چہ سرکاری ہسپتال آنی مریض آنی رش ءِ تہ ءَ کمی اتکگ۔ آئی ءَ گوشت کہ استیں حکومت مردم آنی زندمان ءِ کد ءُ بالاد ءِ تہ ءَ گہتری ءِ واستہ ھمک رنگیں کوشست کنگ ءَ انت۔ گورنر پنجاپ ءَ گوشت کہ پیسریگیں حکومت آں ملک ءِ دور ءُ گستائیں دمگ آنی تہ ءَ نندوکیں مردم آنی گہبود ءِ واستہ اچ کار نہ کتگ۔
