اسلام آباد ۔ یکم اگست (اے پی پی) صدر ءِ مملکت ڈاکٹر عارف علوی ءَ مزنیں ائید ءِ موہ ءَ پاکستانی راج ءُ سرجمیں مسلمان آنان مبارک بات پیش کنان ءَ گوشت کہ وشی یے اے موہ ءَ مئے زندمان آنی تہ ءَ بازیں وشی ءُ شاتکامی گون ءُ کئیت انت۔ قربانی ءِ جوزگ ءَ گوما گریب ءُ ضلورت مندی آناں گیشاں چہ گیش کمک بکن ات، الس کورونا وائرس ءَ چہ رکھینگ ءِ ایس او پیز آناں بھ ڈلگچار مکن ات۔ شمبے ءِ روچ ءَ مزنیں ائید ءِ موہ ءَ وتی کلوہ ءَ صدر مملکت ڈاکٹر عارف علوی ءَ گوشت کہ اللہ تعالیٰ ءَ وتی دوستیں بندہ آناں چکاس گپتگ ءُ آزمائینتگ۔ اے بزرگریں مردم اے چکاس آنی سر ءَ پاس بوتگ انت، آزماش ءُ چکس آنی تہ ءَ آ مھکمی ءَ اوشتاتگ لوٹ ایت۔ آئی ءَ گوشت کہ مول ءُ مراد ءِ در جنگ ءِ ھاترا ھمک رنگیں قربانی ءِ واستہ تیار بوھگ کامیاتی ءِ چابی انت، اے موہ ءَ کورونا وائرس ءِ سبب ءَ سرجمیں دگنیا پریشان انت۔ آئی ءَ گوشت کہ ھدا وند ءَ گوں بے گریویت ءُ دعا بکن ات کہ ھدا وند مار چہ اے نادراھی ءَ بہ پھریز ایت۔
