اسلام آباد ۔ یکم اگست (اے پی پی) مزن وزیر عمران خان ءَ مزنیں ائید ءِ وشیں موہ ءَ سرجمٰں راج ءُ مسلمان آناں مبارک بات پیش کنان ءَ گوشتگ کہ مزنیں ائید ءِ موہ ءَ قربانی ءِ مول ءُ مراد اے جزم ءِ درشان انت کہ راستیں کشک ءَ روگ ءَ قربانی دیگ ءِ ھاترا کجام ھم نمونگ ءِ مشکلا بہ بیت کجام ھم نمونگ ءِ قربانی دیگ بہ کپ ایت پشت کنز مہ بئے۔ شمبے ءَ مزنیں ائید ءِ موہ ءَ وتی کلوہ ءَ مزن وزیر عمران خان ءَ گوشت کہ سرجمیں دگنیا اے موہ ءَ نازرکیں جاور ھال آنی تہ ءَ گوزگ ءَ انت ۔ کورونا وائرس ءِ ھوپ ءَ سرجمیں دگنیا ءِ وستہ یک ٹوھیں چیلنج ءِ جوڑ بوتگ ءُ دیم ءَ سہرا بوتگ۔ مزن پاکستانی راج ءَ گوں اے دزبندی انت کہ مزنیں ائید ءِ قربانی ءِ موہ ءَ توامیں ایس او پیز آں پد ءُ رند بکن انت۔ آئی ءَ گوشت کہ منی اللہ پاک ءَ گوں دعا انت کہ آ اے ھوپ ءَ چہ توامیں مسلمان آناں بہ پھریز ایت ءُ ایشاناں وتی ھزانگ آں چہ جوانیں آسودگی ءُ رحمت بدیات ءُ مارا زوت ایشی ءَ چہ بہ رکھین آت۔
