پاک اُرد ءُ پی ایل اے پاک چین سٹرٹیجک یکوئی آنی یک ارزشتی ایں بھر ات، دوئیں سلاھ بندیں ارد آنی نیام ءَ وت مہ وتی براتی آںی سر ءَ پھر انت، آرمی چیف جنرل قمر جاوید باجوہ

راولپنڈی۔ یکم اگست (اے پی پی) چین ءَ پڑے ایمنی ءُ برجائی ءَ را مھکم دارگ ءِ واستہ پاکستان ءِ گوما اُردی یکوئی آناں گیش مھکم جوڑ کنگ ءِ واھشت ءِ درشان کتگ۔ چین ءِ دیمپانی اتاشی میجر جنل چین وین ونگ ءَ ڈل ءِ ھمبراھی ءَ پاک اُرد ءِ شوبگ (آئی ایس پی آر) ءِ تر ءُ تاب کت۔ چینی ڈل ءَ چین ءِ تر ءُ تاب ءِ پیپلز لبریشن آرمی ءِ جوڑیشت ءِ 93 نود ءُ سیمی سالروچ ءِ موہ ءَ کت۔ ڈی جی آئی ایس پی آر میجر جنررل بابرر افتختار ءَ آرمی چیف جنرل قمر جاوید باجوہ ءِ نیمگ ءَ چینی ڈل ءَ را وش اتک کت ءُ پی ایل اے ءِ جوڑیشت ءِ سالروچ ءِ پد ءَ چینی ڈل ءَ را مبارک بات دات۔ آرمی چیف جنررل قمرر جاوید باجوہ ءَ چینی ڈل ءِ نام ءَ وتی کلوہ ءَ گوشت کہ پاک اُرد ء پی ایل اے پاک چین سٹرٹیجک یکوئی آنی ارزشتی ایں بھر ات، دوئیں سلاھ بندیں اُرد آنی نیام ءَ براتی یکوئی یے پھر انت۔ چین ءِ دیمپانی اتاشی میجر جنررل چین وین رونگ ءَ گوشت کہ پاک چین ملٹری یکوئی گوزوکیں وھد ئِ گوما مھکم بوتگ انت۔ پاک چین دوستی مُدام برجا ءُ نمیران بیت انت۔ آئی ءَ گوشت کہ چین کورونا ءِ ساھت پاکستان ءِ توامیں شوبگ آنی تہ ءَ کوشست آناں ساڑاتگ۔ چین ءِ سفیر یاوئو جنگ ءَ ھم پی ایل اے ءِ جوڑیشتی سالروچ ءِ پد ءَ وتی کلوہ ءَ گوشت کہ پاک چین اردی یکوئی سٹرٹیجک یکوئی آنی ڈیکی انت، چین پاکستان ءِ گوما اُردی یکوئی آناں گیش مھکم کنگ ءِ واھشت ایگ انت۔ یائو جنگ ءَ گوشت کہ پڑے ایمنی ءُ برجائی ءَ را برجا دارگ ءِ واستہ پاکستان ءِ اُردی یکوئی آناں گیش مھکم جوڑ کنگ انت۔