کابل۔ 31جولائی (اے پی پی) اوگانستان ءِ صوبہ لوگر ءَ گورنر ءِ کارگس ءِ نزیک ءَ کار بمب تراک ءِ سبب ءَ کم چہ کم 17 مردم بیران بوت۔ پنچ شمبے ءِ روچ ءَ شپ ءَ تراک ءِ جاھ ءَ مردم آنی مزنیں کساس ءِ ائید ءِ واستہ گپت ءُ گیر کنگ ءَ دزگٹ بوتگ انت۔ برطانوی رسانک درئی ادارگ ءِ رپوٹ ءِ رد ءَ طالبان ءَ اے تراک ءِ زمہ واری منگ ءَ چہ انکار کتگ۔ یات دارگ بہ بیت کہ طالبان ءُ اوگان حکومت ءَ ائید ءِ موہ ءَ درگت ءَ سئے روچی جنگ بندی ءِ جار جتگ۔ اوگان وزارت ءِ توکی کار ءِ ترجمان طارق آریان ءَ یک بیانے ءِ تہ ءَ گوشت کہ مزنیں ائید ءِ موہ ءَ ناشرکاری کاروائی ءِ نتیجگ ءَ بازیں مردم بیران بوتگ انت۔ طالبان ءِ ترجمان ذبیح اللہ مجاہد ءِ نیمگ ءَ جاڑی بوتگیں بیان ءِ تہ گوشگ بوت کہ طالبان ءِ اے تراک ءِ ھوالگ ءَ اچ سیادی نیست۔
