ایف بی آر ءَ جولائی ءَ 243 ارب کلدار ءِ سیم سر آنی مقابلہ ءَ 300 ارب کلدار ءِ زرّ امبار جم کتگ انت، کاروباری برات آناں 15 ارب ریفنڈ کنگ بوتگ، پاکستان مٹ بوھگ ءَ انت، ڈاکٹر شہباز گل

اسلام آباد ۔ 31جولائی (اے پی پی) مزن وزیر عمران خان ئِ ھاسیں کمکار برائے سیاسی در ڈاکٹر شہباز گل ءَ گوشت کہ فنانس ایکٹ 2020 ءَ کسٹمز ءِ ھوالگ ءَ اچ نوکیں ٹیکس یا ڈیوٹی جنگ نہ بوتگ ایشی ءَ ابید کاروباری برات آناں 15 ارب ریفنڈ کنگ بوتگ ایش گوستگیں سال جولائی ءَ 7 ارب بوتگ انت ءُ کسٹمز ڈیوٹی ءِ رد ءَ در جتگیں 42 ارب کلدار ءِ ریونیو گوستگیں سال ءَ چہ 6 درسد گیش انت، اے گیشی ناں ایوک ءَ گہتر انتظامی کنٹرول ءُ نگرانی ءِ سبب ءَ بوت کتگ۔ آدینگ ءِ روچ ءَ وتی ٹویٹ ءَ گوشت کہ الحمد اللہ پاکستان مٹ ءُ بدل بوھگ ءَ انت۔ آئی ءَ گوشت کہ ایف بی آر ءَ کسٹمز ڈیوٹی ءِ تہ ءَ 25 ارب ءِ ریلیف دیگ ءَ ابید مالی سال 21-2020 ءِ اولی ماہ ءَ 243 ارب کلدار ءِ سیم سر ءِ مقابلہ ءَ 300 ارب کلدار ءِ محصولات جم کتگ ایش اے ادارگ ءِ جوانیں کار کرد ءِ درور انت۔