اسلام آباد/لاہور۔ 31جولائی (اے پی پی) پاکستان ءَ کورنا وائرس ءِ ھوپ ءِ جوانیں کنٹرول ءِ واستہ زاتی رکھینگ ءِ سامان آنی برطانیہ ءُ میاں اوستمانی مارکیٹ ءِ تہ ءَ لوٹ ءَ را سرجم کنگ ءِ واستہ در ملکی منڈی آناں ٹوھیں کامیاتی در جتگ، برطانیہ ءَ پاکستان ہائی کمشنر محمد نفیس ذکریا ءَ در ملکی ڈل ءَ گوں تران کنان ءَ گوشت کہ پاکستان ءَ کورونا وائرس ءُ ایشی یے سبب ئَ بیرانی آنی کنٹرول کنگ ءِ واستہ میاں اوستمانی کد ءُ بالاد ءِ زاتی رکھینگی ساز ءُ سامان (پی پی ای) ءِ میاں اوستمانی مارکیٹ ءَ گوانک، ھاسیں رنگ ءَ برطانیہ ءَ ایشی یے گیش بوھوکیں لوٹ آناں سرجم کنگ ءِ واستہ در ملکی منڈی آنی تہ ءَ مزنیں کامیاتی در جتگ۔ آدینگ ءِ روچ ءَ پاک امریکہ مزنس کونسل ءِ جوڑیشتکار چیئرمین افتخار علی ملک ءَ را لندن ءَ رستیں یک کلوہے تہ ءَ پاکستان ءِ ہائی کمشنر محمد نفیس ذکریا ءَ ہائی کمیشن ءَ مڈلینڈز پارٹنر شپ این ایچ ایس فائونڈیشن ٹرسٹ ءِ چیف ایگزیکٹو نیل کار ءِ سروکی ءَ یک مزن تکی ڈؒل ئَ گوں تران کنگ ءَ اے ھیالانی درشانی کت۔ ڈل ءَ را بریفنگ دیان ءَ ہائی کمشنر ءَ گوشت کہ اے رد ءَ پاکستان ءِ دیرموئی کنوکیں ٹیکسٹائل سیکٹر سک باز سیت ایگ انت۔ ملک ءَ نوں میاں اوستمانی کد ءُ بالاد ءِ این۔ 95 ھوار گہتریں کوالٹی ءِ ماسک، دستانہ ، چشمہ، فیس شیلڈ، گائون، چمپل ءِ کور، ہینڈ سینیٹائزر، کانٹیکٹ لیس تھرمامیٹر ءُ ہاسپٹل بیڈ شیٹس تیار کنگ بوھگ ءَ انت۔ اے موہ ء، سر ءَ ہائی کمشنر ءَ ڈؒ ءِ توامیں ممبر آناں فیس شیلڈز ءِ سوگات ھم دات۔ اے موہ ءِ سر ءَ مہمان آناں امب دیگ بوت ءُ مہمان آں امب نوش کت۔
