اسلام آباد ۔ 31 جولائی (اے پی پی) نیشنل کوآرڈینیشن کمیٹی برائے ہاوسنگ، کنسٹرکشن اینڈ ڈویلپمنٹ ءِ نیمگ ءَ جوڑیشتی شوبگ ءَ گوں بندوکیں ڈویلپرز، بلڈرز ءُ کاروباری برات آنی دلبڈی ءِ واستہ گیشاں چہ گیش گامگیج کنگ بوتگ ایش استیں حکومت ءِ نیمگ ءَ آوانی جیڈھ آنی گیواری ءِ واستہ کتگیں گامگیج ءُ جوٖڑیشتی شوبگ آنی تہ ءَ چست ءُ ایر آنی دیمروئی ءِ واستہ جوانیں جاور پجاری کنگ ءَ دل یکیمی ءِ درشان ءَ کنگ ءَ انت۔ مزن وزیر عمران خان ءَ 13 بلڈرز اینڈ ڈویلپرز آنی نیمگ ءَ آیوکیں 4 ءَ چہ 5 ماہ ءَ 1.3 کھرب کلدار ءَ چہ گیش سرمایہ کاری ءَ چہ جتا جتائیں منصوبگ بندات کنگ ءِ دل یکیمی کتگ، اے منصوبگ آنی تہ ءَ یک لکھ ءِ نزیک ءَ نندگی میتگ آنی یونٹس آنی جوڑیشت ھم ھوار انت۔ اے دل یکیمی آئی ءَ مزن وزیر عمران خان ءِ سروکی ءَ نیشنل کوآرڈینیشن کمیٹی برائے ہاوسنگ ، کنسٹرکشن اینڈ ڈویلپمنٹ ءِ ھمک ھپتگیں دیوان ءَ کنائینت۔ دیوان ءَ توامیں صوبائی چیف سیکرٹریز آں ھوار کراچی، اسلام آباد ءُ لاہور ءِ نامداریں بلڈرز ءُ ڈویلپرز ءُ بلڈرز اینڈ ڈدویلپرز ایسوسی ایشن ءِ نماھند ھم بھر زوری کت۔ ”آباد“ بلڈرز ءُ ڈویلپرز آنی گل ءِ تک ءَ نماھندگی ءَ کنت انت ءُ جندی شوبگ آنی جوڑیشتی چست ءُ ایر آنی تہ ءَ ارزسشتی ایں کرد ءَ پیلو کنت انت۔ آباد ءِ نماھندگ آں گوشت کہ ملکی راجدپتر ءَ اولی رنگ ئَ نا ایوک ءَ این او سی ءُ اجازت نامہ ءِ کار ءِ تہ ءَ آسانی کنگ بوھگ ءَ انت بلکینگ ءَ جندی بینک آنی نیمگ ءَ جوڑیشتی چست ءُ ایر آنی واستہ بلڈرز اینڈ ڈویلپرز آنی دلبڈی کنگ بوھگ ءَ انت۔ ایشی یے کریڈٹ استیں حکومت ءُ سٹیٹ بینک ءَ را دیگ بیت۔ مزن وزیر عمران خان ءَ جوڑیشتی شوبگ ءِ ضلورت ءَ کمک کنگ ءِ واستہ جندی شوبگ ءِ دلبڈی ءَ گورنر سٹیٹ بینک ءِ ارزشتی ایں کرد ءِ توسیپ کت۔ دیوان ءَ استیں بلڈرز ءُ ڈویلپرز آں مزن وزیر ءَ را دل یکیمی دات کہ استیں کار رپک ءَ چہ ایشانی جیڈھ آنی گیواری ءَ کمک رسیت ءُ استیں مھتلیں دزبندی آنی منظوری وھدیکہ آباد بلڈرز ءُ ڈویلپرز ھم وتی وتی سوگند آں زوت پیلو کن انت۔ مزن وزیر ءَ بلڈرز کمیونٹی ءَ را دل یکیمی ءِ درشان کنان ءَ گوشت کہ حکومت جوڑیشتی شوبگ ءَ را ھمک رنگیں آسراتی پجارین ایت۔
