اسلام آباد ۔ 30 جولائی (اے پی پی) مزن وزیر ڈیویلپمنٹ پروگرام ءِ چیر دستی ءَ بنجاھی حکومت ءَ سندھ ءِ جتا جتائیں ضلع آنی تہ ءَ دیمروئی منصوبگ ءُ جتان سلامتی بنیاتی بنجاھی آنی واستہ مالی سال 2020-21 ءِ چیر دستی ءَ کابینہ ڈویژن ءِ جتا جتائیں منصوبگ آنی واستہ 3565.684 ملین کلدار گیشینت انت۔ کابینہ ڈویژن ءِ کارندہ آنی رد ءَ بنجاھی حکومت ءَ صوبگ سندھ ءِ جتا جتائیں ضلع آنی تہ ءَ مزن وزیر ڈیویلپمنٹ پروگرام ءِ نوکیں منصوبگ آںی واستہ فنڈ گیشینتگ انت۔ اے منصوبگ آنی تہ ءَ شہید بینظیر آباد، لاڑکانہ ءُ سکھر ءِ جتا جتائیں منصوبگ آنی واستہ گوزوکیں مالی سال ءِ سرکاری شوبگ ءِ دیمروئی پروگرام آنی تہ ءَ 1886.243 ملین ءِ نوکیں منصوبگ آنی فنڈز گیشینتگ انت وھدیکہ حیدر آباد ءُ میر پور خاص ڈدویژن ءِ جتا جتائیں دیمروئی منصوبگ آنی واستہ 1373.441 ملین کلدار گیشینتگ انت ءُ ھمے رنگ ءَ سندھ ءِ جتائی جتائیں ضلع آنی تہ ءَ جان سلامتی یے بنیاتی بنجاھ آنی واستہ 306 ملین کلدار گیشینتگ انت وھدیکہ مزن وزیر ڈیویلپمنٹ پروگرام ءِ چیر دستی ءَ جتا جتائیں دیمروئی منصوبگ آنی واستہ ھواریں رنگ ءَ 3565.684 ملین کلدار گیشینگ بوتگ انت۔
